كەشە نيۋ-يوركتەگى گارلەم اۋدانىندا بەلگىسىز بىرەۋ اتىس شىعاردى. وقيعا سالدارىنان 1 ادام قازا تاپتى, 8-ءى جاراقات الدى, دەپ حابارلايدى Egemen.kz NBC News-كە سىلتەمە جاساپ.
پوليتسيا جاراقاتتانعان بەس ادامدى اۋرۋحاناعا جەتكىزدى. تاعى ءتورت زارداپ شەگۋشى مەديتسينالىق مەكەمەگە جەكە كولىگىمەن بارعان. جاراقاتتانعانداردىڭ ءبىرى 21 جاستاعى باسكەتبولشى العان جاراقاتىنان اۋرۋحانادا كوز جۇمدى. كەيىنىرەك ونىڭ كىم ەكەنى انىقتالدى, ول وقيعا ورنىنان ءبىر كۆارتال جەردە تۇرعان.
جاپپاي اتىستىڭ سەبەبى مەن كۇدىكتىلەر تۋرالى اقپارات ازىرگە جوق. پوليتسيا وقيعا ورنىنان اتىس قارۋىن تاپتى.