25 جاستاعى جىگىتتىڭ كىسى قولىنان قازا تاپقانى بەلگىلى بولدى, دەپ حابارلايدى Egemen.kz polisia.kz-كە سىلتەمە جاساپ.
13 ماۋسىمدا اقتوبە وبلىسى تەمىر اۋداندىق پوليتسيا بولىمدەرىنىڭ بىرىنە بالاسىنىڭ جوعالعانى تۋرالى اناسى ارىزدانعان.
جەدەل-ىزدەستىرۋ شارالارى بارىسىندا پوليتسيا قىزمەتكەرلەرى جابىرلەنۋشى مەن دوسىنىڭ اراسىندا جانجال تۋىنداعانىن انىقتادى.
«جانجال كەزىندە 29 جاستاعى كۇدىكتى 25 جاستاعى دوسىن مونتيروۆكامەن ۇرىپ, اۆتوكولىگىنە تيەپ, ويىق وزەنىنىڭ جاعاسىنا اپارىپ تاستاعان. اتالعان دەرەك بويىنشا قر قك-ءنىڭ 99-بابىمەن (ادام ءولتىرۋ) سوتقا دەيىنگى تەرگەپ-تەكسەرۋ امالدارى جۇرگىزىلۋدە», دەلىنگەن حابارلامادا.
كۇدىكتى قر قپك-ءنىڭ 128-بابىنا سايكەس ۇستالىپ, ۋاقىتشا ۇستاۋ يزولياتورىنا قامالدى.