شىرىن باعاسى شارىقتاپ بارادى

وسى جىلدىڭ قاڭتار-ءساۋىر ارالىعىندا ەلىمىزدە 18,7 ملن ليتر جەمىس جانە كوكونىس شىرىنى وندىرىلگەن. كورسەتكىش وتكەن جىلمەن سالىستىرعاندا 2,1 پايىزعا از.

مۇنداي سۋسىنداردىڭ باسىم بولىگى الماتى وبلىسىندا وندىرىلگەن – 10 ملن ليتر (+32,6 پايىز). كوشباسشى وڭىرلەردىڭ ۇشتىگىنە نۇر-سۇلتان قالاسى (4,6 ملن ليتر, – 27,1 پايىز) جانە قوستاناي وبلىسى (2 ملن ليتر, +17,9 پايىز) ەنىپ وتىر. جالپى, بىلتىر قازاقستانداعى جەمىس جانە كوكونىس شىرىندارىنىڭ ءوندىرىسى 66,6 ملن ءليتردى قۇرادى. كورسەتكىش 13,1 پايىزعا وسكەن.

تارقاتا ايتساق, قاڭتار-ساۋىردە جەمىس شىرىنىن ءون­دىرۋ 17,4 ملن ليترگە جەتكەن. كورسەتكىش ءبىر جىل بۇرىنعى جاع­دايمەن سالىستىرعاندا 3,1 پايىزعا تومەن. وندىرىلگەن كوكو­نىس شىرىنى – 1,3 ملن ليتر. بىلتىرعا قاراعاندا 14 پايىز­دىق ءوسىم بار.

جەمىس شىرىندارىنىڭ ىشىن­­دە ءوندىرىستىڭ كوپ بولىگى اپەل­­سين (6,4 ملن ليتر) جانە الما شى­رىنىنا (4,9 ملن ليتر) تيەسىلى. سونداي-اق 4,6 ملن ليتر جەمىس شىرىندارىنىڭ قوسپا­سى, 505,4 مىڭ ليتر اناناس شى­رى­نى وندىرىلگەن.

كوكونىس شىرىن­دا­رىنىڭ ىشىن­دە قىزاناق شىرى­نىن ءوندىرۋ 1,26 ملن ليترگە جەت­كەن. بۇل وت­كەن جىلمەن سالىس­تىرعاندا 14,8 پايىزعا جوعارى.

وسى جىلدىڭ ءبىرىنشى توقسا­نىنىڭ قورىتىندىسى بويىنشا جەرگىلىكتى كومپانيالار ءبىر جىل بۇرىنعى (51,2 پايىز) دەڭ­گەيمەن سالىستىرعاندا جەمىس جانە كوكونىس شىرىندارىنا دەگەن سۇرانىستىڭ (ىشكى نارىقتى قامتۋ جانە ەكسپورت) 58,3 پا­يىزىن قامتاماسىز ەتتى. يمپورت كولەمى 41,7 پايىزدى قۇرادى. بۇل دەگەنىمىز – 13,1 مىڭ توننا. كورسەتكىش ءبىر جىلدا 5,6 پايىزعا قىسقارعان.

ناتيجەسىندە, ىشكى نارىقتا 30,7 مىڭ توننا جەمىس جانە كو­كونىس شىرىندارى ساتىلدى. بۇل وتكەن جىلمەن سالىستىرعاندا 9 پايىزعا ارتىق.

مامىر ايىنىڭ قورىتىن­دى­سى بويىنشا ەلدەگى كوكونىس جانە جەمىس شىرىندارىنىڭ باعاسى ءبىر جىلدا 16,6 پايىزعا وسكەنى انىقتالدى. ونىڭ ىشىندە جەمىس شىرىندارى 16,5 پايىزعا, كو­كونىس شىرىندارى 19,2 پا­يىز­عا قىمباتتادى. اسىرەسە, با­عا تۇركىستان وبلىسىندا 25 پايىز­عا وسكەن. باعانى قۇرىقتاي ال­ماعانداردىڭ قاتارىندا الماتى جانە سولتۇستىك قازاقستان وب­لىس­تارى دا بار. باعانىڭ ەڭ تو­مەنگى ءوسىمى باتىس قازاقستان وبلىسىندا تىركەلگەن – 5,1 پايىز.

جەمىس شىرىندارى تۇركىس­تان وبلىسىندا (24,9 پايىز), ال كوكونىس شىعىندارى اتىراۋ وبلىسىندا (33,5 پايىز) قاتتى قىمباتتاعان.