ادىلەت مينيسترلىگى رەسپۋبليكالىق جەكە سوت ورىنداۋشىلار پالاتاسىمەن بىرلەسىپ, 2026 جىلعى 6-30 ءساۋىر ارالىعىندا ازاماتتاردىڭ بەلگىلى ءبىر تولەمدەر تۇسەتىن شوتتارىنداعى تىيىمداردى الىپ تاستاۋعا باعىتتالعان ناۋقاندى ىسكە قوستى, دەپ حابارلايدى Egemen.kz.
ناۋقان اياسىندا جالاقى, اليمەنت, زەينەتاقى جانە مەملەكەتتىك جاردەماقىلار تۇسەتىن شوتتارداعى تىيىمدار الىنىپ تاستالادى.
بۇل ءۇشىن ازاماتتار Adilet.gov موبيلدىك قوسىمشاسى ارقىلى تىركەلىپ, جەكە سوت ورىنداۋشىسىنا ءتيىستى شوتتاردان تىيىمدى الىپ تاستاۋ جونىندە ءوتىنىش بەرۋى قاجەت.
سالىق بەرەشەگى قاي مەجەدەن اسسا, ەسەپشوت بۇعاتتالادى؟
تىيىمدى الىپ تاستاۋ تەك راستايتىن قۇجاتتار ۇسىنىلعان جاعدايدا عانا جۇزەگە اسىرىلادى. اتاپ ايتقاندا, جۇمىس ورنىنان جالاقى تۇسەتىن شوت ەكەنى تۋرالى انىقتاما, زەينەتاقى شوتى تۋرالى قۇجات جانە وزگە دە راستاۋلار تالاپ ەتىلەدى.
سونىمەن بىرگە, ادىلەت مينيسترلىگى مۇنداي شەكتەۋلەردىڭ الىنۋى ازاماتتاردى اتقارۋشىلىق قۇجاتتار بويىنشا مىندەتتەمەلەردەن بوساتپايتىنىن ەسكەرتتى. ياعني قارىزداردى وتەۋ, ايىپپۇلداردى تولەۋ جانە وزگە دە تالاپتاردى ورىنداۋ مىندەتى ساقتالادى.