وزبەكستان پرەزيدەنتى شاۆكات ميرزيەەۆ كونستيتۋتسيالىق كوميسسيا مۇشەلەرىمەن كەزدەسۋ كەزىندە ەلدىڭ اتا زاڭىنا وزگەرىستەر ەنگىزۋ بويىنشا رەفەرەندۋم وتكىزۋدى ۇسىندى, دەپ حابارلايدى Egemen.kz.
«پارلامەنت ازىرلەگەن جوبانى جالپىحالىقتىق تالقىلاۋدا قاراستىرىپ, ونى رەفەرەندۋم ارقىلى قابىلداۋدى ۇسىنامىن» , دەدى شاۆكات ميرزيەەۆ.
ول قولدانىستاعى زاڭناماعا سايكەس, پارلامەنتتىڭ ءوزى كونستيتۋتسياعا وزگەرتۋلەر ەنگىزۋگە قۇقىلى ەكەنىن, بىراق مۇنى حالىقتىڭ ەركىنە سۇيەنە وتىرىپ جاساعان ابزال ەكەنىن اتاپ ءوتتى.
«مەنىڭ ويىمشا, ەگەر ءبىز ازاماتتارىمىزدىڭ پىكىرى مەن قولداۋىنا سۇيەنە وتىرىپ, رەفەرەندۋم ارقىلى كونستيتۋتسيالىق رەفورمانى جۇزەگە اسىراتىن بولساق, وندا بۇل ناعىز حالىقتىق كونستيتۋتسيا بولادى», دەدى وزبەكستان پرەزيدەنتى.
ونىڭ ايتۋىنشا, بۇل كونستيتۋتسيانىڭ جالعىز قاينار كوزى جانە اۆتورى – حالىق دەگەن قاعيداعا سايكەس كەلەدى.