ەلىمىزدە اۋە رەيستەرىنىڭ كەشىگۋ سەبەبى ايتىلدى

«18 ماۋسىمدا «ەير استانا» اۋەكومپانياسىنىڭ بوينگ-767 ۇلگىسىندەگى اۋە كەمەسىندە تەحنيكالىق اقاۋلىق انىقتالدى. بۇل ءوز كەزەگىندە وسى اۋە كەمەسىندە جوسپارلانعان اۋە كومپانيالارىنىڭ رەيستەرىنىڭ ۋاقىتىلى ورىندالۋىنا اسەر ەتتى. وسىعان بايلانىستى, اۋەكومپانيا كەلەسى رەيستەردە اۋە كەمەسىن اۋىستىرۋعا ءماجبۇر بولدى.

18-19 ماۋسىمىندا الماتى – انتاليا باعىتى بويىنشا 2 رەيس 24 ساعات 56 مينۋتقا جانە 3 ساعات 23 مينۋتقا كەشىكتىرىلدى.

«ەير استانا» اۋەكومپانياسىنىڭ 2022 جىلعى 18 ماۋسىمداعى الماتى – انتاليا باعىتى بويىنشا كس 915 رەيسى كەستە بويىنشا جەرگىلىكتى ۋاقىت بويىنشا ساعات 09:40-تا ۇشۋعا جوسپارلانعان بولاتىن. الايدا رەيس تەحنيكالىق سەبەپپەن كەشىكتىرىلدى. رەيس انتالياعا 19 ماۋسىمدا ساعات 10:36-دا ۇشتى. سونداي - اق 19 ماۋسىمداعى الماتى-انتاليا باعىتى بويىنشا كس 915 رەيسى كەستە بويىنشا جەرگىلىكتى ۋاقىت بويىنشا ساعات 09:40-تا جوسپارلانعان. الايدا تەحنيكالىق سەبەپ بويىنشا سىيىمدىلىعى از اۋە كەمەسى بوينگ-767-دەن ەيرباس-321-گە اۋىستىرىلدى. بورت جەرگىلىكتى ۋاقىت بويىنشا ساعات 13:03-تە جولعا شىقتى. وسى رەيستەن جولاۋشىلاردىڭ ءبىر بولىگى نۇر-سۇلتان ارقىلى انتالياعا جونەلتىلدى. ال, ءبىر بولىگىن 20 ماۋسىمداعى الماتى-انتاليا كس 915 رەيسىمەن جونەلتۋ جوسپارلانىپ وتىر. بۇدان باسقا «ەير استانا» اۋەكومپانياسىنىڭ الماتى – انتاليا باعىتى بويىنشا كس 915 رەيسى 20 ماۋسىمداعى اۋە كەمەسىنىڭ سەۋل – الماتى رەيسىنەن كۇتۋ سەبەبىنەن ساعات 15:40-قا دەيىن كەشىكتىرىلەدى. كەشىكتىرۋ 6 ساعاتتى قۇرايدى», دەلىنگەن كوميتەت حابارلاماسىندا.

كەشىكتىرىلگەن رەيستەردىڭ بارلىق جولاۋشىلارىنا قازاقستان اۋە كەڭىستىگىن پايدالانۋ جانە اۆياتسيا قىزمەتى تۋرالى زاڭنىڭ 86-بابىندا كوزدەلگەن قىزمەتتەر كورسەتىلدى.