قازاقستان ينتەرنەت پەن تسيفرلاندىرۋدىڭ جوعارى قارقىنىمەن ەرەكشەلەنەتىن 10 ەلدەردىڭ قاتارىنا ەندى, دەپ حابارلايدى Egemen.kz Ranking.kz سايتىنا سىلتەمە جاساپ.
وتكەن جىلى 6 جانە ودان جوعارى جاستاعى قازاقستاندىقتاردىڭ تسيفرلىق ساۋاتتىلىق دەڭگەيى جالپى حالىقتىڭ 85,3%-ىن قۇراعان. بۇل ەلىمىزدەگى ءاربىر بەس تۇتىنۋشىنىڭ تورتەۋى دەربەس كومپيۋتەر, سمارتفون, پلانشەت, نوۋتبۋكتى پايدالانۋعا داعدىلانعانىن, سونداي-اق ستاندارتتى باعدارلامالاردى پايدالانىپ, ينتەرنەت ارقىلى قىزمەت الا الاتىنىن كورسەتەدى. بۇل رەتتە ءۇي شارۋاشىلىقتارىن ۇيالى تەلەفوندارمەن قامتاماسىز ەتۋ قازىردىڭ وزىندە 99,4%-دى قۇراپ وتىر.
ەلىمىزدە ءموبيلدى ينتەرنەت قۇنى الەمدەگى ەڭ تومەن كورسەتكىشكە يە. وسىلايشا, 2022 جىلعا ارنالعان ينتەرنەتكە قولجەتىمدىلىك يندەكسىنىڭ سوڭعى رەيتينگىنە سايكەس قازاقستان ينتەرنەتتىڭ ەڭ تومەن تاريفتەرى بويىنشا 8-ورىنعا يە بولدى.
قازاقستاندىقتار 1 گب ءموبيلدى ينتەرنەت ءۇشىن نەبارى $0,8 تولەيدى.
سالىستىرمالى تۇردە, كورشىلەس وزبەكستاندا ايىنا 1 گب ءۇشىن 1,3 اقش دوللارى, تاجىكستاندا – 3,5 اقش دوللار تولەنسە, ينتەرنەت ءتاريفى 17,5 دوللارعا جەتكەن تۇرىكمەنستان افريكا ەلدەرى جانە ارال مەملەكەتتەرىمەن بىرگە اۋتسايدەرلەر قاتارىنا كىردى.
قازاقستاننان باسقا ۇزدىك وندىققا رەسەي, قىرعىزستان جانە بەلارۋس مەملەكەتتەرى دە كىردى. ساراپشىلاردىڭ ايتۋىنشا, قازاقستانداعى ءموبيلدى ينتەرنەتپەن قامتۋدىڭ جوعارى دەڭگەيى – 96% قۇرايدى.