مادەنيەت جانە سپورت مينيسترلىگىنىڭ قولداۋىمەن «بۋراباي» دەمالىس ورنىندا كوركەمدىك جانە ءبىلىم بەرۋ كەڭىستىگى اياسىندا زاماناۋي ونەردىڭ حالىقارالىق ART TALK جىل سايىنعى ءىى سيمپوزيۋمىنىڭ اشىلۋ سالتاناتى ءوتتى. اتالعان ءىس-شارا اقمولا وبلىسىنىڭ ءتۋريزمىن دامىتۋ ماقساتىندا ۇيىمداستىرىلىپ وتىر.
جوبا اياسىندا حالىقارالىق الاڭدا تاجىريبە الماسۋ ءۇشىن جىل سايىنعى پلەنەر مەن كورمەنى وتكىزۋ, زاماناۋي ونەردىڭ كوكەيكەستى ماسەلەلەرىن تالقىلاۋ, سونداي-اق ۇلتتىق مۋزەي قورلارىن زاماناۋي سۋرەتشىلەردىڭ كوركەم تۋىندىلارىمەن تولىقتىرۋ جوسپارلانعان. سيمپوزيۋمعا قازاقستان, اقش, كورەيا, وزبەكستان جانە موڭعوليا ەلدەرىنەن 16 سۋرەتشى قاتىسىپ وتىر.
حالىقارالىق ART TALK جوباسىنىڭ اشىلۋىنا قۇتتىقتاۋ حات جولداعان مادەنيەت جانە سپورت ءمينيسترى داۋرەن اباەۆ اتالعان سيمپوزيۋم الەمنىڭ ءار تۇكپىرىنەن كەلگەن سۋرەتشىلەرگە تاجىريبە الماسۋعا تاپتىرماس مۇمكىندىك ەكەنىن ايتقان.
جوبانىڭ بيىلعى ماۋسىمىنىڭ نەگىزگى تاقىرىبى جاپپاي تسيفرلاندىرۋ كەزەڭىندەگى ءححى عاسىر سۋرەتشىسىنىڭ رولىنە ارنالعان.
ايتا كەتەيىك, حالىقارالىق ART TALK جىل سايىنعى ءىى سيمپوزيۋمى 20 ماۋسىمعا دەيىن جالعاسادى. ال جابىلۋ سالتاناتى 21 ماۋسىم كۇنى ۇلتتىق مۋزەيدە قورىتىندىلانىپ, سۋرەتشىلەردىڭ جاڭا تۋىندىلارىنان كورمە ۇيىمداستىرىلادى.