دۇنيەجۇزىلىك دەنساۋلىق ساقتاۋ ۇيىمى (ددۇ) مايمىل شەشەگىنىڭ الەم حالقىنىڭ دەنساۋلىعىنا قانشالىقتى اسەر ەتەتىنىن باعالاۋ ءۇشىن كەلەسى اپتادا توتەنشە كوميتەت وتىرىسىن وتكىزەدى, دەپ حابارلايدى Egemen.kz.
تەدروس ادحانوم گەبرەيۋستىڭ ايتۋىنشا, قازىر ۇيىم اۋرۋدىڭ راستالعان 1,6 مىڭ جاعدايىنان حاباردار.
گەبرەيۋس قورعانىس شارالارىنا كوبىرەك ءمان بەرۋ كەرەك دەپ سانايدى, ويتكەنى «ۆيرۋس ادەتتەن تىس ارەكەت ەتەدى».
ء«بىز جاعداي باقىلاۋدان شىققانشا كۇتكىمىز كەلمەيدى», دەپ قوستى ددۇ افريكاداعى توتەنشە جاعدايلار جونىندەگى ديرەكتورى يبراحيما سوس-فول.
دەگەنمەن, گەبرەيۋس ددسۇ قازىر مايمىل شەشەگىنە قارسى جاپپاي ۆاكتسينالاۋ قاجەت ەمەس دەپ سانايتىنىن ايتىپ ءوتتى.
ۇيىمنىڭ مالىمەتىنشە, مايمىل شەشەگى – سيرەك كەزدەسەتىن ۆيرۋستىق اۋرۋ, ول نەگىزىنەن تروپيكالىق ورماندار وسەتىن جانە ادەتتە ۆيرۋس تاسىمالداۋشى جانۋارلار مەكەن ەتەتىن ورتالىق جانە باتىس افريكا ەلدەرىندە كەزدەسەدى. كەيدە ۆيرۋس باسقا ەلدەردە مايمىلدىڭ ەندەميالىق ايماقتارىنان كەلگەن ادامداردا كەزدەسەدى. ادامدار اراسىندا جۇقتىرۋ جاعدايى العاش رەت 1970 جىلى كونگو دەموكراتيالىق رەسپۋبليكاسىندا (ول كەزدە – زاير) انىقتالدى. افريكادان باسقا, ىندەت العاش رەت 2003 جىلى امەريكا قۇراما شتاتتارىندا تىركەلگەن.
ايانا توعانبەك