بۇل تۋرالى قازاقستان پرەزيدەنتى قاسىم-جومارت توقاەۆ «روسسيا-24» تەلەارناسىنىڭ ءجۋرناليسى اندرەي كوندراشوۆقا بەرگەن سۇحباتىندا ايتتى, دەپ حابارلايدى Egemen.kz.
پرەزيدەنتتىڭ ايتۋىنشا, قازاقستان ەكونوميكا سالاسىنداعى فاۆوريتيزمنەن الشاقتاۋى ءتيىس.
«ەلدە الەۋمەتتىك ادىلەتتىلىك بولۋى ءتيىس. ارينە, مەن ۋتوپيست نەمەسە قيالشىل ەمەسپىن, بۇل ءبىر كۇن, ءبىر اي نەمەسە ءبىر جىلدىق جۇمىس ەمەس ەكەنىن تۇسىنەمىن. بىراق بۇعان ۇمتىلۋ كەرەك, سەبەبى حالىق ادىلەتتىلىكتى قالايدى», دەدى قاسىم-جومارت توقاەۆ.
مەملەكەت باسشىسىنىڭ ايتۋىنشا, ونىڭ پرەزيدەنت رەتىندەگى مىندەتى - قازاقستان ازاماتتارى ءۇشىن ادىلەتتىلىكتى قامتاماسىز ەتۋ.
«الەۋمەتتىك يەرارحيادا بارلىعى تەڭ بولۋى كەرەك. قالاي بولعاندا دا الەۋمەتتىك ليفت جۇمىس ىستەۋى قاجەت. ءبىز مەملەكەتتىك لاۋازىمدارعا, ۇلتتىق, مەملەكەتتىك كومپانيالارداعى بەلگىلى ءبىر لاۋازىمدارعا وتە قابىلەتتى, پاتريوتتىق رۋحى بار ادامداردى تاڭداۋىمىز كەرەك. بۇل دەپۋتاتتاردى سايلاۋعا دا قاتىستى», دەدى قازاقستان پرەزيدەنتى.
سونداي-اق ول مەملەكەت باسشىسى رەتىندە پارلامەنت سايلاۋىنىڭ ناتيجەسىنە تىكەلەي اسەر ەتە المايتىنىن ايتتى.
«مەنىڭ مىندەتىم - قوعامنان ءوز ورنىن تابا الاتىن جانە بولاشاققا وپتيميستىك كوزقاراسپەن قارايتىن ساياسي اتموسفەرانى قۇرۋ», دەدى قاسىم-جومارت توقاەۆ.