وگايو گۋبەرناتورى, رەسپۋبليكالىق پارتيانىڭ مۇشەسى مايك دەۆاين مۇعالىمدەرگە قارۋ الىپ جۇرۋگە مۇمكىندىك بەرەتىن زاڭ جوباسىنا قول قويدى. ول ءۇشىن ولار 24 ساعاتتىق وقۋدان ءوتۋى كەرەك, دەپ حابارلايدى Egemen.kz.
Sky News اقپاراتىنا سايكەس, قۇقىق قورعاۋ توپتارى, قارۋ-جاراقتى باقىلاۋشىلار مەن مەملەكەتتىك مۇعالىمدەر كاسىپوداعى بۇل شەشىمگە قارسى بولعان. باستامانى بىرنەشە پوليتسيا بولىمشەلەرى مەن مەكتەپ باسشىلارى عانا قولدادى.
24 ساعاتتىق وقىتۋدان وتكەننەن كەيىن مۇعالىمدەرگە جىل سايىن 8 ساعاتتىق كۋرستان ءوتۋ قاجەت بولادى.
شتات گۋبەرناتورى مايك دەۆايننىڭ ايتۋىنشا, وقۋشىلاردىڭ قاۋىپسىزدىگىن قامتاماسىز ەتۋ ماقساتىندا باسقا دا شارالار قابىلداندى. ماسەلەن, وگايو شتاتىندا مەكتەپتەردەگى قاۋىپسىزدىك شارالارىن جاقسارتۋ ءۇشىن 100 ميلليون دوللار جانە كوللەدجدەر ءۇشىن 5 ميلليون دوللار ءبولىندى.
سونىمەن قاتار شتات بيلىگى جاسوسپىرىمدەر اراسىنداعى پسيحيكالىق دەنساۋلىق ماسەلەلەرىن شەشۋ ءۇشىن قوسىمشا 1,2 ميلليارد دوللار بولگەن.
گۋبەرناتور جاڭا زاڭ مەكتەپتەرگە ناقتى جاعدايلارعا بايلانىستى ەڭ جاقسى شەشىم تاڭداۋعا مۇمكىندىك بەرەتىنىن اتاپ ءوتتى.
دەگەنمەن, مۇعالىمدەردىڭ قارۋ الىپ ءجۇرۋى مىندەتتى ەمەس, بۇل شارا ەرىكتى ەكەندىگى اتاپ ءوتىلدى.
قابىلدانعان زاڭعا جاۋاپ رەتىندە دەموكراتيالىق پارتيانىڭ ءار ءتۇرلى قالالارىنىڭ ءبىر توپ مەرلەرى رەسپۋبليكالىق ساياساتكەرلەردىڭ قارۋدى باقىلاۋدىڭ باسقا نۇسقالارىن قاراستىرا المايتىنىن سىنعا الدى.