«قازمۇنايگاز» كومپانياسى جانىنان قۇرىلعان جاڭا ينۆەستيتسيالىق قورعا اقشا سالعاندار ايىنا 3 000 دوللارعا دەيىن ءپاسسيۆتى پايدا تابادى. بۇل – جالعان جارناما, دەپ حابارلايدى Egemen.kz stopfake.kz تەلەگرام كانالىنا سىلتەم جاساپ.
«قازنەتتە قاسىم-جومارت توقاەۆتىڭ تاپسىرماسى بويىنشا «قازمۇنايگاز» كومپانياسى جانىنان قۇرىلعان جاڭا ينۆەستيتسيالىق قوردىڭ جارناماسى بەلسەندى تۇردە تاراپ جاتىر. شىن مانىندە, «قازمۇنايگاز» كومپانياسىنىڭ دا, قر پرەزيدەنتىنىڭ دە بۇل «قورعا» ەشقانداي قاتىسى جوق. بۇعان كومپانيانىڭ رەسمي سايتىنا كىرىپ, كوز جەتكىزۋگە بولادى. قازاقستاندىقتارعا ءىس جۇزىندە جوق قورلارعا «ينۆەستيتسيا سالۋ» بۇعان دەيىن دە بىرنەشە رەت ۇسىنىلعان. جەلىدە وسىعان ۇقساس جارناما HalykBank اتىنان تاراتىلعان بولاتىن», دەيدى اقپاراتتى تەكسەرۋشىلەر.