اگروونەركاسىپتىك كەشەننىڭ جەتىستىكتەرىندە قاراپايىم جۇمىسشىلاردىڭ دا, جەتەكشى ماماندار, عالىمدار مەن اۋىلداعى الەۋمەتتىك-مادەني سالا قىزمەتكەرلەرىنىڭ دە وراسان زور ەڭبەگى بار. وسىلاي دەگەن اۋىل شارۋاشىلىعى ءمينيسترى ەربول قاراشوكەەۆ مەرەكەمەن قۇتتىقتاپ, العىس ءبىلدىردى, دەپ حابارلايدى Egemen.kz.
«قازاقستان – باعزى زاماننان مال شارۋاشىلىعىمەن اينالىساتىن ەل. ءدال وسى مال شارۋاشىلىعى ارقاشاندا قازاقتىڭ تۇرمىسىنىڭ نەگىزى, كوشپەلى حالىق ءومىرىنىڭ اسا ماڭىزدى بولىگى بولىپ كەلدى. سالادا ارقاشان ماقتان تۇتاتىن جەتىستىكتەر جەتكىلىكتى. ايتار بولساق, قازاقتىڭ اقباس جانە اۋليەكول سىندى ءىرى قارا تۇقىمدارىنىڭ ساپا كورسەتكىشتەرى بويىنشا الەمدە تەڭدەسى جوق. سوڭعى جىلدارى ەلىمىزدە مال شارۋاشىلىعىنىڭ داڭقتى ءداستۇرى قايتا جاڭعىرىپ جاتىر», دەدى مينيستر قۇتتىقتاۋ سوزىندە.
ول بۇگىندە اۋىل شارۋاشىلىعى تاۋارىن وندىرۋشىلەردى تىكەلەي سۋبسيديالاۋ جۇزەگە اسىرىلىپ جاتقانىن جانە مال شارۋاشىلىعى سەكتورىندا جۇمىس ىستەيتىن 30 مىڭنان استام اۋىل شارۋاشىلىعى وندىرۋشىلەرى جىل سايىن مەملەكەتتىڭ قولداۋىنا يە بولاتىنىن ەسكە سالدى.
«مەن قاجىرلى ەڭبەگى جانە كاسىبيلىگىمەن ەلدىڭ ازىق-ت ۇلىك قاۋىپسىزدىگى مەن حالىقتىڭ ءومىر ءسۇرۋ دەڭگەيىن قامتاماسىز ەتىپ وتىرعان سالانىڭ بارلىق قىزمەتكەرلەرىن قۇتتىقتاعىم كەلەدى. اگروونەركاسىپتىك كەشەننىڭ جەتىستىكتەرىندە – جەردى وڭدەپ, نان, كوكونىستەر مەن جەمىستەر وسىرەتىن, ءسۇت پەن ەت, ازىق-ت ۇلىك تاۋارلارىن وندىرەتىن قاراپايىم جۇمىسشىلاردىڭ دا, وسى سالانىڭ ماماندارى – جەتەكشىلەر, اگرارلىق عالىمداردىڭ, اۋىلداعى الەۋمەتتىك-مادەني سالا قىزمەتكەرلەرىنىڭ دە وراسان زور ەڭبەگى بار. سىزدەردىڭ قاجىرلى ەڭبەكتەرىڭىز, ءوز ىستەرىڭىزگە دەگەن ادالدىقتارىڭىز جانە مەملەكەتىمىزدىڭ دامۋى مەن وركەندەۋىنە قوسىپ جاتقان ۇلەستەرىڭىز ءۇشىن العىس ايتامىن», دەدى ەربول قاراشوكەەۆ.