پولشادا العاش رەت مايمىل شەشەگى انىقتالدى, دەپ حابارلايدى Egemen.kz euronews-قا سىلتەمە جاساپ.
پولشا دەنساۋلىق ساقتاۋ ءمينيسترى ادام نەدزەلسكي ەلدە ەۋروپادا سيرەك كەزدەسەتىن مايمىل شەشەگى دەرتىنىڭ تىركەلگەنىن ايتتى.
ادام نەدزەلسكي سوزىنە قاراعاندا مايمىل شەشەگىنە قاتىستى شامامەن 10-عا جۋىق جاعداي تەكسەرىلىپ جاتىر.
ايتا كەتسەك, ءبىر اي بۇرىن پيرەن تۇبەگى مەن بىرىككەن كورولدىكتە انىقتالعان سيرەك دەرت ەۋروپانىڭ 20-عا جۋىق ەلىنە تارالىپ ۇلگەردى. كارى قۇرلىق ەلدەرى ىشىندە ۇلىبريتانيا (302 جاعداي), يسپانيا (198) جانە پورتۋگاليادا (153 جاعداي) جۇقپالى اۋرۋ جىلدام تاراۋدا.