شىمكەنت تۇرعىنى قاماۋدا وتىرعان ءىنىسىن قۇتقارىپ الۋ ءۇشىن يزولياتور قىزمەتكەرىنە 1 ملن تەڭگە پارا ۇسىنعان. وقيعا تۇركىستان وبلىسى جانە شىمكەنت قالاسى بويىنشا قىلمىستىق اتقارۋ جۇيەسى دەپارتامەنتىنىڭ قاۋىپسىزدىگى ارالاس مەكەمەسىندە بولدى, دەپ حابارلايدى Egemen.kz.
«وزىندىك قاۋىپسىزدىك باسقارماسىنا جۇگىنگەن تەرگەۋ يزولياتورىنىڭ قىزمەتكەرى جەكە تۇلعانىڭ 1 ملن تەڭگە كولەمىندە پارا ۇسىنعانىن حابارلاعان. قىزمەتشى بۇل تۋرالى دەرەۋ باسشىلىققا جانە وزىندىك قاۋىپسىزدىك باسقارماسىنا جەتكىزگەن. شىمكەنت قالاسى پوليتسيا دەپارتامەنتىنىڭ قىزمەتكەرلەرى مەن اۋماقتىق قاجد جەدەل قىزمەتكەرلەرى بىرلەسە ءتيىستى شارالار قابىلداپ, زاڭعا قايشى ارەكەتتىڭ جولىن كەستى», دەپ ءتۇسىندىردى وڭىرلىك قاج دەپارتامەنتتىڭ باستىعى, ادىلەت پولكوۆنيگى تەڭىزجان جانىبەكوۆ.