الدا – جاۋاپتى ويىندار

العاشقى كۇنى جەرلەستەرىمىزدىڭ جولى بولمادى. قىتاي تايبەيىمەن كەزدەسۋدە ءبىرىنشى سەتتى ءوز پايداسىنا شەشكەن ولار قال­عان ۇشەۋىندە ەسە جىبەردى – 25:21, 21:25, 19:25, 18:25. كەلەسى ويىندى فيليپپينمەن وتكىزدى. بۇل باسەكەدە باسىمدىق ءبىزدىڭ قىزدار جا­عىندا بولدى – 26:24, 25:19, 25:15. ودان كەيىن ۇندىستانمەن شەبەرلىك بايقاستى. ۇندىلىكتەر ءبىزدىڭ ۆولەيبولشىلارىمىزعا لايىقتى قارسىلىق كورسەتە المادى – 20:25, 25:20, 25:11, 25:14. الداعى كۇندەرى قازاقستاندىقتاردى ەكى بىردەي اسا اۋىر كەزدەسۋ كۇتىپ تۇر. اتاپ ايتساق, بۇگىن جاپونيامەن, ال ەرتەڭ قىتايمەن كۇش سىناسادى. ەگەر جەر­لەستەرىمىز وسى كەزدە­سۋلەردىڭ بىرىندە جە­ڭىسكە جەتسە, جۇلدەلى ورىندار ءۇشىن تالاسۋ مۇمكىندىگىن ساقتاپ قالادى.

كەلەسى توپتا يران, اۋستراليا, تايلاند, وڭتۇستىك كورەيا, وزبەكستان قۇرامالارى ءوزارا تار­تىسقا تۇسۋدە. وسى كوماندالار اراسىنان ازىرگە الاڭ يەلەرى مەن پارسى ەلى وكىلدەرىنىڭ قار­قىنى كۇشتى.