ساۋىردە Toyota Motor كولىكتەرىنىڭ الەمدىك ساتىلىمى ءبىر جىلمەن سالىستىرعاندا 11,1 پايىزعا تومەندەپ, 763 708-گە جەتتى, دەپ حابارلايدى Egemen.kz.
جاپونياداعى ساتىلىمدار 16,8 پايىزعا ازايعان. ەلدە ءدال وسى ماركاداعى 103 143 كولىك, ال وزگە مەملەكەتتەردە 660 565 كولىك ساتىلعان. شەتەلدەگى ساتىلىمدار 10,2 پايىزعا از.
قازىر Toyota-نىڭ كولىك ءوندىرىسى ەل ىشىندە 9 پايىزعا جانە جاپونيادان تىس جەرلەردە 9,1 پايىزعا تومەندەدى.
«COVID-19 ىندەتىنە جانە قوسالقى بولشەكتەردى جەتكىزۋگە قاتىستى جاعدايلار تۇسىنىكسىز بولعاندىقتان, ءبىز وسى فاكتورلاردىڭ اسەرىن بارىنشا ازايتۋ ءۇشىن بار كۇشىمىزدى سالىپ جاتىرمىز», دەلىنگەن جاپوندىق كومپانيانىڭ مالىمدەمەسىندە.