رەسەي ازاماتى بەس جىل بويى قازاقستاننان زەينەتاقى الىپ كەلگەن, دەپ حابارلايدى Egemen.kz Polisia.kz سايتىنا سىلتەمە جاساپ.
1 ماۋسىمدا وسكەمەندە كوشى-قون قىزمەتكەرلەرى قوس ازاماتتىق العان ايەلدى انىقتاعان. 64 جاستاعى ايەل 17 جىلدان بەرى كورشى ەل ازاماتى بولا تۇرا, قازاقستاندا تۇرىپ, 5 جىل بويى زەينەتاقى الىپ جۇرگەن.
«قازاقستاندىق قۇجاتتاردى پايدالانعانى ءۇشىن قر اقبك-ءنىڭ 496-بابى بويىنشا 100 اەك سوماسىندا ايىپپۇل تۇرىندە اكىمشىلىك جاۋاپكەرشىلىككە تارتىلدى. قازىر قازاقستاندىق قۇجاتتار تاركىلەنىپ, ازاماتتىعىنان ايىرىلدى جانە زاڭسىز الىنعان اقشا قاراجاتىن قايتارۋ ماسەلەسى قاراستىرىلىپ جاتىر», دەدى شقو پد باستىعىنىڭ ءبىرىنشى ورىنباسارى ەلدوس زاكيموۆ.
ايتا كەتەيىك, جىل باسىنان بەرى شقو اۋماعىنان قوس ازاماتتىعى بار 35-تەن اسا ادام انىقتالعان. شقو پد كوشى-قون قىزمەتى كونستيتۋتسياعا سايكەس ەلىمىزدە قوس ازاماتتىققا جول بەرىلمەيتىنىن ەسكە سالىپ, زاڭنامانى ساقتاۋعا شاقىردى.