12-19 ماۋسىم كۇندەرى قاتاردىڭ باس شاھارى – دوحادا سپورتتىق گيمناستيكادان ازيا چەمپيوناتىنىڭ جالاۋى جەلبىرەيدى.
اتالعان جارىستا قازاقستاننىڭ نامىسىن بەس سپورتشى قورعايدى. ولار – ميلاد كاريمي, ناريمان قۇربانوۆ, ءىلياس ءازيزوۆ, فارۋح نابيەۆ جانە دميتري پاتانين. وسى بەستىكتىڭ اراسىنداعى ەڭ ۇزدىگى كاريمي ەكەنى ءسوزسىز. ول 2017-2019 جىلدارى وتكەن ازيا چەمپيوناتىندا جۇلدەگەرلەر ساناتىنان كورىنىپ, دۇنيەجۇزىلىك ۋنيۆەرسيادادا كۇمىسپەن كۇپتەلدى. قۇربانوۆ تا نەاپولداعى ستۋدەنتتەردىڭ باستى دوداسىندا ەكىنشى ورىنعا تابان تىرەدى. ميلاد پەن ناريمان الەم كۋبوگىنىڭ كەزەڭدىك سايىستارىندا دا ەلەۋلى تابىستارعا قول جەتكىزىپ جۇرگەنى ءمالىم. سونداي-اق ءازيزوۆ, نابيەۆ جانە ءپاتانيندى دە وسال دەپ ايتا المايمىز. ولار دا بىرقاتار حالىقارالىق جارىستا جەڭىس تۇعىرىنا كوتەرىلگەن.
وسى جارىستىڭ قورىتىندىسى بويىنشا بيىلعى جىلدىڭ 28 قازان مەن 6 قاراشا ارالىعىندا انگليانىڭ ليۆەرپۋل قالاسىندا وتەتىن الەم چەمپيوناتىندا ونەر كورسەتەتىن گيمناسشىلار انىقتالادى.