قازاقستان ەڭبەك جانە حالىقتى الەۋمەتتىك قورعاۋ مينيسترلىگى جۇكتىلىگى, بوسانۋى جانە ءبىر جاسقا دەيىنگى بالا كۇتىمى بويىنشا ايەلدەرگە تولەنەتىن تولەم مولشەرىن ۇلعايتۋ مۇمكىندىگىن قاراستىرۋدا. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ۇكىمەت وتىرىسىندا مالىمدەدى, دەپ حابارلايدى Egemen.kz.
«زاڭناماعا سايكەس, ايەلدەرگە جۇكتىلىگى بويىنشا 12 اي بويى تولەم جاساۋ كەرەك, مۇنىڭ ءبارى قالادى. ءبىز قازىر مەملەكەتتىك الەۋمەتتىك ساقتاندىرۋ قورىنىڭ قارجىلىق تۇراقتىلىعىن ەسكەرە وتىرىپ, تولەم مولشەرىن ۇلعايتۋدى قاراستىرىپ جاتىرمىز», دەدى مينيستر.
ونىڭ ايتۋىنشا, تولەم مولشەرىنىڭ ارتۋى دەكرەتتەگى ايەلدەرگە ءوز جالاقىسىنان ۇلكەن ۇلەس الۋعا مۇمكىندىك بەرەدى.