ەڭبەك جانە حالىقتى الەۋمەتتىك قورعاۋ مينيسترلىگى قازاقستانداعى ەڭ ءىرى 8 پلاتفورمانىڭ باسشىلارىمەن كەزدەسۋ وتكىزدى. ناتيجەسىندە شىلدەدەن باستاپ, پيلوتتى تۇردە ءار پلاتفورمانىڭ سپەتسيفيكاسىنا قاراي اپروباتسيا جاسالادى. ال جىل سوڭىنا قاراي قاجەتتى وزگەرىستەردى زاڭعا ەنگىزەدى. ءاليحان سمايىلوۆ ونلاين پلاتفورمالارعا قاتىستى پيلوتتىق جوبانى قولدايتىنىن ايتتى, دەپ حابارلايدى Egemen.kz.
ەگەر ونلاين پلاتفورمالارعا قاتىستى پيلوتتىق جوبا ءساتتى جۇزەگە اساتىن بولسا, ياندەكس, يۋبەر سەكىلدى پلاتفورمالاردا جۇمىس-ىستەيتىن ازاماتتار الەۋمەتتىك قامسىزداندىرۋ جۇيەسىنە قوسىلۋى مۇمكىن.
«بيۋروكراتيالىق جانە باسقا دا كەدەرگىلەردىڭ ءبارىن الىپ تاستاۋ قاجەت. ازاماتتار كەز كەلگەن پلاتفورمانى ەركىن تاڭداپ, جۇمىس ىستەۋى كەرەك جانە ءتيىستى تاۋەكەلدەر تۋىنداعاندا وزدەرىنىڭ الەۋمەتتىك جاعىنان قورعالاتىنىن ءبىلۋى كەرەك», دەدى پرەمەر-مينيستر.