مەملەكەت باسشىسى قاسىم-جومارت توقاەۆ رەفەرەندۋم قورىتىندىسى بويىنشا قازاقستان حالقىنا جاساعان ۇندەۋىندە رەفورمالاردىڭ ەندى عانا باستالعانىن مالىمدەدى, دەپ حابارلايدى Egemen.kz.
«رەفەرەندۋم ەلىمىزدىڭ تاريحىنداعى ماڭىزدى بەلەس بولدى. ۇلتىمىزدىڭ شىنايى وزگەرىستەرگە دەگەن دايىندىعى مەن ۇيىمشىلدىعىن كورسەتتى. داۋىس بەرۋگە ازاماتتارىمىزدىڭ بەلسەندى قاتىسۋى قوعامىمىزدىڭ كەمەلدىگى مەن جاۋاپكەرشىلىگىن بىلدىرەدى. سايلاۋ ۋچاسكەسىنە كەلىپ, ەلىمىزدى جاڭعىرتۋ باستاماسىن قولداعانداردىڭ بارىنە العىس ايتامىن.
سىزدەر ناعىز ءپاتريوتيزمنىڭ ۇلگىسىن كورسەتىپ, قازاقستاننىڭ دايەكتى دامۋىنا زور ۇلەس قوستىڭىزدار. ەلىمىز ءۇشىن وسى بەتبۇرىستى ساتتە زاڭدى قۇقىقتارىن پايدالانىپ, وزدەرىنىڭ ۇستانىمدارىن ايتقان بۇكىل ازاماتقا ريزاشىلىعىمدى بىلدىرەمىن.
اتا زاڭعا وزگەرىستەر ەنگىزۋ رەفورمالارىمىزدىڭ سوڭعى ساتىسىن ەمەس, ەندى باستالعانىن بىلدىرەدى», دەدى پرەزيدەنت.