بۇل تۋرالى مەملەكەتتىك حاتشى ەرلان قارين وزىنىڭ Telegram-ارناسىندا جازدى, دەپ حابارلايدى Egemen.kz.
«كونستيتۋتسيالىق تۇزەتۋلەر بويىنشا رەفەرەندۋم ءوتتى. ورتالىق رەفەرەندۋم كوميسسياسى جاريالاعان الدىن-الا مالىمەتتەر بويىنشا ازاماتتاردىڭ رەفەرەندۋمعا قاتىسۋى 68,06%-دى قۇرادى. وسىلايشا قازاقستاندىقتاردىڭ 77,18%-ى كونستيتۋتسياعا ەنگىزىلەتىن وزگەرىستەر مەن تولىقتىرۋلاردى قولداپ وتىر. كونستيتۋتسيالىق رەفورماعا قاتىسۋ كورسەتكىشىنىڭ جوعارى ناتيجەسى قوعامدىق تۇتاستىقتىڭ جاڭا دەڭگەيىن كورسەتىپ وتىر.
رەفەرەندۋم ناتيجەسى بيلىك پەن قوعامنىڭ ودان ءارى دامۋ پەرسپەكتيۆالارىنا قاتىستى تۇسىنىكتىڭ بىرتۇتاستىعىن كورسەتەدى. بۇل پرەزيدەنتتىك رەفورمالاردى جۇزەگە اسىرۋدا قوعامدىق قولداۋدىڭ ناقتى كورىنىسىن بىلدىرەدى», دەپ جازدى ە. قارين.