اقش-تىڭ لاس-ۆەگاس قالاسىندا ارالاس جەكپە-جەكتەن وتكەن UFC Fight Night 207 تۋرنيرىندە جالعاس جۇماعۇلوۆ دجەفف مولينامەن كۇش سىناستى.
24 جاستاعى امەريكالىق سپورتشى ءوزىنىڭ سوڭعى جەتى كەزدەسۋىنىڭ بارلىعىن ءوز پايداسىنا شەشكەن ەدى. بارلىعى 12 كەزدەسۋ وتكىزىپ, 10 رەت باسىمدىق تانىتتى. 33 جاستاعى جالعاس جۇماعۇلوۆتىڭ ءجۇرىپ وتكەن جولى قازاق جانكۇيەرلەرىنىڭ كوز الدىندا. كەزىندە ءتۇرلى پروموۋشەندەردىڭ چەمپيوندىق بەلبەۋىن يەلەنگەن اقتوبەنىڭ ورەنى UFC-دە تابىستى ونەر كورسەتە الماي ءجۇر. ولاي دەۋگە نەگىز, بۇعان دەيىنگى ءتورت باسەكەنىڭ ۇشەۋىندە ول جەڭىلىس تاپتى. بۇل جولى جەڭىس وعان اۋاداي قاجەت ەدى. سول سەبەپتى دە جۇماعۇلوۆ دجەفف مولينامەن ءۇش راۋند بويى ايانباي ايقاستى. تىپتەن كەيبىر تۇستاردا باسىمدىق كورسەتتى. بىراق ايقاس اياقتالعان بەتتە تورەشىلەر اقش سپورتشىسىنىڭ جەڭىسكە جەتكەنىن جاريا ەتتى.
كەشە قازاقستاندىق Arlan MMA Pro Team كلۋبى ساپىندا ونەر كورسەتەتىن ينگۋشەتيالىق مۇسا ەۆلوەۆ تا UFC-تەگى ءوزىنىڭ كەزەكتى جەكپە-جەگىن وتكىزىپ, تورەشىلەردىڭ شەشىمىمەن امەريكالىق دەن يگەنى ۇتتى.