رەفەرەندۋم بارىسىندا ەلىمىزدىڭ باس پروكۋراتۋراسىنا ازاماتتاردان 6 ءوتىنىش ءتۇستى, دەپ حابارلايدى Egemen.kz
بۇگىنگى جالپىحالىقتىق رەفەرەندۋم بارىسىن باياندايتىن مارافوندا باس پروكۋراتۋرا وكىلى ازامات سەرعازين ساياسي ناۋقانعا دايىندىق پەن داۋىس بەرۋ بارىسىندا قۇقىق بۇزۋ ارەكەتتەرى بايقالماعانىن ايتىپ ءوتتى.
«وسى ساتتە داۋىس بەرۋ ناتيجەسىنە اسەر ەتەتىن قۇقىق بۇزۋ فاكتىلەرى بولعان جوق. الەۋمەتتىك جەلىلەردە رەفەرەندۋم ۋچاسكەلەرىندە داۋىس بەرۋ تۋرالى ءارتۇرلى حابارلامالار تاراعانىن كوردىك. تەكسەرۋ كەزىندە ولاردىڭ كوبى راستالمادى. ءالى دە تەكسەرۋ ءجۇرىپ جاتىر. بۇگىن پروكۋراتۋرا ورگاندارىنا ازاماتتاردان 6 ءوتىنىش كەلىپ ءتۇستى. ونىڭ بىرەۋى - باس پروكۋراتۋراعا, سونداي-اق شقو مەن بقو جانە اقتوبە وبلىستىق پروكۋراتۋراسىنا باعىتتالدى», دەيدى ازامات سەرعازين.