قازاقستان جازۋشىلار وداعى باسقارماسىنىڭ توراعاسى, اقىن ۇلىقبەك ەسداۋلەت انكارادا جۇرگەن جەرىنەن رەفەرەندۋمعا داۋىس بەرگەنىن ءمالىم ەتتى, دەپ حابارلايدى Egemen.kz.
اقىن تۇرىك جۇرتىنىڭ استاناسىندا قازاقستان ەلشىلىگىنە بارىپ, رەفەرەندۋمعا داۋىس بەرگەنى تۋرالى Facebook پاراقشاسىندا جازدى.
«باس كەنتتەگى سايلاۋعا جۇرت ۇزدىك-سوزدىق كەلىپ, اتا زاڭعا ءۇن قوسۋدا. جالپى بۇل باۋىرلاس ەلدە انكارا, ىستانبۇل, انتاليادا ءۇش سايلاۋ ۋچەسكەسى جۇمىس ىستەپ جاتىر», دەپ جازدى ۇلىقبەك ەسداۋلەت.
الماتىداعى رەفەرەندۋم ۋچاسكەسىندە داۋىس بەرگەن م. لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ ديرەكتورى يۋري ياكۋشەۆتىڭ ايتۋىنشا, بۇگىنگى ساياسي ناۋقان وتە ماڭىزدى.
«بۇگىنگى رەفەرەندۋم ارقىلى مەملەكەت ءار ادامعا ءوزىنىڭ ازاماتتىق ۇستانىمىن كورسەتۋگە مۇمكىندىك بەردى. ويتكەنى ءبىزدىڭ الداعى كەلەشەك ءومىرىمىز وسىعان بايلانىستى بولادى. مەنىڭ ويىمشا, بۇل - ماڭىزدى ازاماتتىق, ساياسي بورىش», دەيدى يۋري ياكۋشەۆ.