پاۆلودار وبلىسىنداعى رەفەرەندۋم ۋچاسكەلەرى ءوز جۇمىسىن باستادى. تاڭعى ساعات 7.00-دە وڭىردەگى 528 رەفەرەندۋم ۋچاسكەلەرىنىڭ ەسىگى اشىلدى. جاڭبىر جاۋىپ, اۋا رايىنىڭ ىڭعايسىزدىعىنا قاراماستان كارى-جاس دەمەي, ءوز تاڭداۋىن جاساۋعا اسىعۋدا, دەپ جازادى Egemen.kz.
بەلگىلى بولعانداي, پاۆلودارلىق 513 مىڭعا جۋىق تۇرعىن كونستيتۋتسياعا وزگەرىستەر مەن تولىقتىرۋلار ەنگىزۋ تۋرالى جالپىرەسپۋبليكالىق رەفەرەندۋمعا قاتىسا الادى.
دەنساۋلىق جاعدايىنا بايلانىستى ۋچاسكەگە كەلە المايتىن ازاماتتار ساعات 12.00-گە دەيىن رەفەرەندۋم كوميسسياسىنا حابارلاسىپ, داۋىستى ۇيدەن بەرۋگە نيەتتى ەكەنىن ءبىلدىرۋى كەرەك. سول ءوتىنىش نەگىزىندە كوميسسيا مۇشەلەرى تۇرعىننىڭ ۇيىنە بارادى.
اۋرۋحانالاردا, ۋاقىتشا ۇستاۋ يزولياتورلارىندا 21 ۋاقىتشا داۋىس بەرۋ ورنى جۇمىس ىستەيتىنىن اتاپ وتكەن ءجون. جالپى, ۋچاسكەلەردىڭ بارلىعى قاجەتتى قۇرالدارمەن جابدىقتالعان. ارقايسىسىندا مۇمكىندىگى شەكتەۋلى جاندارعا دا جاعداي جاسالعان.
بۇگىن قوعامدىق كولىكتەر جولاۋشىلاردى تەگىن تاسىمالدايدى ءارى ينۆاتاكسي قىزمەت كورسەتەدى.