كوكشەتاۋ. 21 ءساۋىر. اقمولا وبلىسىندا 3 ماشينا سوقتىعىسىپ, 2 ادام ومىردەن وزسا, 3 جولاۋشى اۋىر جاراقات الىپ, اۋرۋحاناعا جەتكىزىلدى. بۇل تۋرالى «يا نوۆوستي-كازاحستان» حابارلادى.
اقمولا وبلىستىق ىشكى ىستەر دەپارتامەنتى ءباسپاسوز قىزمەتىنىڭ حابارلاعانىنداي, جول-كولىك وقيعاسى «كوكشەتاۋ-اتباسار» باعىتىنداعى كۇرە جولدا ورىن العان.
«تويوتا-كامري» كولىگىنىڭ جۇرگىزۋشىسى – 25 جاستاعى جىگىت بەلگىلەنگەن جولاقتى كەسىپ ءوتىپ, قارسى باعىتقا شىعىپ كەتكەن. سونىڭ سالدارىنان, قارسى بەتتەن كەلە جاتقان «نيسسانعا» سوعىلادى. ال تاعى ءبىر ماشينا – ««ۆاز-2104» توقتاپ ۇلگەرمەگەندىكتەن, الدىنداعى «نيسسان» كولىگىنە ۇرىلادى. وسىلايشا, وقيعاعا 3 كولىك قاتىستى بولعان.
اتالمىش جول-كولىك وقيعاسىنان «تويوتا-كامري» جۇرگىزۋشىسى مەن «نيسسانداعى» ءبىر جولاۋشى مەرت بولادى. ال «نيسساندى» جۇرگىزگەن 28 جاستاعى ايەل مەن ءبىر جاسار قىز جانە بەس جاسار ۇل بالا اقمولا وبلىستىق اۋرۋحانانىڭ جان ساقتاۋ بولىمىنە جەتكىزىلگەن.
جولدىباي بازار.
دەرەك كوز: «يا نوۆوستي-كازاحستان».
فوتو: Newskaz.ru.