تىنىشتىق جانە رەفەرەندۋم كۇندەرىندە ۇگىتكە بايلانىستى كەز كەلگەن ارەكەتكە تىيىم سالىنادى. بۇل تۋرالى قر ورتالىق سايلاۋ كوميسسياسىنىڭ توراعاسى نۇرلان ءابدىروۆ ايتتى, دەپ حابارلايدى Egemen.kz.
«بۇگىن ءتۇن ورتاسىندا ۇگىت اياقتالادى. ەرتەڭ, 4 ماۋسىم كۇنى ساعات 00.00-دەن باستاپ بىزدە «تىنىشتىق» كۇنى بولادى. «تىنىشتىق» كۇنى جانە رەفەرەندۋم كۇنى ۇگىتكە بايلانىستى كەز كەلگەن ارەكەتكە تىيىم سالىنادى. ول ءۇشىن زاڭمەن قۇقىقتىق جاۋاپكەرشىلىك قاراستىرىلعان. وسىنى ەسكەرۋدى سۇرايمىز», دەدى نۇرلان ءابدىروۆ ورتالىق سايلاۋ كوميسسياسىنىڭ وتىرىسىندا.
قر باس پروكۋرورىنىڭ ورىنباسارى بولات دەمباەۆ تا رەفەرەندۋم الدىنداعى كۇنى جانە داۋىس بەرۋ كۇنىندە ۇگىت-ناسيحات جۇرگىزۋگە تىيىم سالىناتىنىن ەسكەرتكەن ەدى.