3-19 ماۋسىم كۇندەرى ەلوردادا ات جارىسى ماۋسىمىنىڭ اشىلۋىنا وراي ۇلتتىق سپورت تۇرلەرىنەن جارىس وتەدى. چەمپيوناتتىڭ جالپى جۇلدە قورى – 1,5 ملن تەڭگە, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
نۇر-سۇلتان قالاسىندا 3-19 ماۋسىم كۇندەرى, «قازانات» اتشابارىندا جامبى اتۋ مەن تەڭگە ىلۋدەن ەرەسەكتەر, جاستار جانە جاسوسپىرىمدەر اراسىندا قازاقستان چەمپيوناتى وتەدى. جانە دە, 4 ماۋسىم كۇنى شاباندوزدار تاي, قۇنان, توپ جانە الامان بايگە تۇرلەرىنەن سىنعا تۇسەدى.
جامبى اتۋ مەن تەڭگە ءىلۋ جارىسىنا ەلىمىزدىڭ بارلىق وڭىرلەرىنەن جينالعان 150-دەن اسا سپورتشى قاتىسادى دەپ كۇتىلۋدە.
جامبى اتۋ جارىسى كورەي, تۇرىك جانە قازاق ستيلدەرىندە, ال تەڭگە ءىلۋ ەل چەمپيوناتى 2021 جىلى بەكىتىلگەن جاڭا ەرەجەگە سايكەس وتەدى.
جالپى تەڭگە ءىلۋ سايىسى ىرىكتەۋ سىندارىنا 5, فينالدىق كەزەڭدە 7 تەڭگەدەن قويىلادى.
سونىمەن قاتار جامبى اتۋ جانە تەڭگە ىلۋدەن ەرەسەكتەر اراسىنداعى قازاقستان چەمپيوناتى 3-6 ماۋسىمدا, جاستار چەمپيوناتى 9-13 ماۋسىمدا, جاسوسپىرىمدەر چەمپيوناتى 15-18 ماۋسىمدا وتەدى.
چەمپيوناتتىڭ جالپى جۇلدە قورى – 1,5 ملن تەڭگە.
سونداي-اق جارىستىڭ اشىلۋ سالتاناتى اياسىندا شاباندوزدار ءۇش شاقىرىمدىق تاي جارىس, التى شاقىرىمدىق قۇنان بايگە, توپ بايگە ون ەكى شاقىرىم جانە 18 شاقىرىمدىق الامان بايگە بويىنشا سىنعا تۇسەدى.
جارىسقا ەلىمىزدىڭ بارلىق وڭىرلەرىنەن جينالعان 60-قا جۋىق سايگ ۇلىك قاتىسادى. ءتورت قاشىقتىقتا وتەتىن بايگەنىڭ جۇلدە قورى 5 ملن تەڭگەنى قۇرايدى.
جارىستىڭ اشىلۋ سالتاناتى 4 ماۋسىم كۇنى 10:00-دە باستالادى. جارىس كەستەسىنە سايكەس چەمپيوناتتىڭ ءوتۋ ۋاقىتى ساعات 10:00-دەن 18:00-گە دەيىن.
ايانا توعانبەك