ايەلدەردى ءدىني ەكسترەميزمنەن ساقتاندىردى

اتالعان كەزدەسۋلەرگە راتت مۇ­شە­لەرى – تەولوگتەر, ءدىنتانۋشىلار ت.قوجاحمەتوۆا, د.نۇرعاليەۆا, ا.دۇي­سەنباەۆا, گ.شەتەنوۆا,  ش.ادىل­باەۆا قا­تىستى.

راتت مۇشەلەرىنىڭ شىمكەنت قالا­سىنىڭ ء«ال-ءبىلال», «امولي سوليح», «قاتتاني» مەشىتتەرىندەگى ءدىندار ايەلدەرمەن, م.اۋەزوۆ اتىنداعى ۋني­ۆەر­سيتەتتىڭ, وڭتۇستىك قازاقستان مەم­لەكەتتىك پەداگوگيكالىق ۋنيۆەرسيتە­تىنىڭ, شىمكەنت قالاسىنداعى جوعارى مەديتسينالىق كوللەدجدىڭ, «اۆيتسەننا» كوپسالالى مەديتسينالىق كوللەدجىنىڭ ستۋدەنتتەرىمەن, «ايەل-قىزدار» سەكتو­رى­نىڭ, شىمكەنت قالاسىنىڭ ءدىن سالاسىنداعى اقپاراتتىق-ءتۇسىندىرۋ توپتا­رىنىڭ مۇشەلەرىمەن جانە «جۋ­سان» وپەراتسياسىنىڭ ناتيجەسىندە ەلگە ورالعان ايەلدەرمەن كەزدەسۋلەرى ۇيىم­داستىرىلدى.

وتكىزىلگەن ءىس-شارالاردا تۇرعىندار­عا قازاقستاندا تۇراتىن بارلىق كون­فەس­سيا مەن ەتنوستىڭ بەيبىت ءوزارا ءىس-قيمىلىمەن قاتار ءومىر سۇرۋىنە, قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىن تۇسىندىرۋگە باعىتتالعان ءدىن سالاسىنداعى مەملەكەتتىك ساياساتتىڭ ءمان-ماڭىزى تۋرالى اقپارات بەرىلدى.

ساراپشىلار ءدىننىڭ رۋحاني-ادام­گەرشىلىك تاربيە بەرۋ ماسەلەلەرىنە, قازىرگى قازاقستاندىق قوعامداعى ايەل­دەر­دىڭ ءرولى مەن الەۋمەتتىك مارتەبەسىن ارت­­تى­رۋع­ا, سونداي-اق دەسترۋكتيۆتى ءدىني اعىم­داردىڭ تەرىس اسەرىنە قارسى تۇرۋ شارا­لارىنا ەرەكشە نازار اۋداردى. قوعام­دا ورىن الىپ جاتقان جاعدايلار مەن وقيعالار كەڭىنەن ءتۇسىندىرىلىپ, ادام­دار­دىڭ ءدىني تۇرعىدان سەرگەك بولۋى كەرەك ەكەنى ايتىلدى. تىڭداۋشىلار تاراپىنان كوپتەگەن سۇراق قويىلىپ, ولارعا راتت مۇشەلەرى تيىسىنشە جاۋاپ بەردى.

اقپاراتتىق-ءتۇسىندىرۋ توپتارىنىڭ بەلسەندى جۇمىسى حالىقتىڭ رۋحاني جاڭعىرۋىنا ىقپالىن تيگىزەتىنى انىق.

تالعات احىمبەتوۆ,

«جاڭا شابىت» قوعامدىق بىرلەستىگىنىڭ توراعاسى

شىمكەنت