بۇگىن قىرعىز رەسپۋبليكاسىنىڭ پرەزيدەنتى سادىر جاپاروۆ مينيسترلەر كابينەتىنىڭ توراعا ورىنباسارى – ۇلتتىق قاۋىپسىزدىك مەملەكەتتىك كوميتەتىنىڭ (ۇقمك) توراعاسى كامچىبەك تاشيەۆتى مەرزىمىنەن بۇرىن قىزمەتىنەن بوساتۋ تۋرالى جارلىققا قول قويدى, دەپ حابارلايدى Egemen.kz.
كامچىبەك تاشيەۆ 2020 جىلعى 16 قازاندا قىرعىزستاننىڭ ۇقمك توراعاسى بولىپ تاعايىندالعان ەدى.
كامچىبەك تاشيەۆ پەن قازىرگى پرەزيدەنت سادىر جاپاروۆتىڭ كوپجىلدىق قارىم-قاتىناسى ەلدەگى ەڭ ىقپالدى ءارى بەرىك ساياسي وداقتاردىڭ ءبىرى رەتىندە باعالانىپ كەلدى. بۇل ىنتىماقتاستىق ولار بيلىككە كەلگەنگە دەيىن, اتاپ ايتقاندا 2010 جىلداردىڭ باسىندا باستالعان. 2012 جىلعى ساياسي وقيعالارعا بايلانىستى قىلمىستىق قۋدالاۋدى بىرگە وتكەرۋى ولاردىڭ جەكە ءارى ساياسي سەنىمىن نىعايتقان نەگىزگى فاكتور رەتىندە قاراستىرىلادى.
2020 جىلعى قازان وقيعالارىنان كەيىن بۇل تاندەمنىڭ مەملەكەتتىك باسقارۋداعى ءرولى ايقىندالدى. سادىر جاپاروۆ پرەزيدەنت لاۋازىمىنا سايلانسا, كامچىبەك تاشيەۆ ۇلتتىق قاۋىپسىزدىك مەملەكەتتىك كوميتەتىنىڭ (ۇقمك) توراعاسى بولىپ تاعايىندالدى. وسىلايشا, تاشيەۆ ەلدەگى ەڭ رەزونانستى ىستەردى باقىلاپ, قاۋىپسىزدىك ساياساتىنىڭ نەگىزگى باعىتتارىن ايقىندادى جانە پرەزيدەنت كومانداسىنداعى ەڭ سەنىمدى تۇلعالاردىڭ ءبىرى سانالدى.قىرعىزستاندا 17 جاستاعى قىزدى ولتىرگەن كۇدىكتى تەرگەۋ يزولياتورىندا كوز جۇمدى
ساراپشىلار قاۋىمداستىعى بۇل دۋەتتى ۇزاق ۋاقىت بويى ەلدەگى ەڭ مىزعىماس ساياسي جۇپ دەپ اتاپ كەلدى. سوندىقتان تاشيەۆكە قاتىستى كەز كەلگەن كادرلىق وزگەرىس بيلىك جۇيەسىندەگى ەلەۋلى ترانسفورماتسيانىڭ بەلگىسى رەتىندە قابىلداناتىن.
سوڭعى ايلاردا ساياسي ورتادا ۇقمك باسشىسىنىڭ الداعى پرەزيدەنت سايلاۋىنا قاتىسۋى مۇمكىن دەگەن قاۋەسەتتەر تاراعان بولاتىن. الايدا كامچىبەك تاشيەۆ بۇل اقپاراتتى بىرنەشە رەت جوققا شىعارىپ, پرەزيدەنتتىك سايلاۋعا تۇسپەيتىنىن جانە سادىر جاپاروۆتى قولدايتىنىن مالىمدەگەن.
ءوز كەزەگىندە قىرعىزستان پرەزيدەنتى سادىر جاپاروۆ تاشيەۆتى قىزمەتىنەن بوساتۋ شەشىمىنە تۇسىنىكتەمە بەردى. پرەزيدەنتتىڭ ءباسپاسوز قىزمەتىنىڭ حابارلاۋىنشا, بۇل قادامنىڭ نەگىزگى ماقساتى – مەملەكەتتىڭ بىرلىگىن نىعايتۋ جانە قوعامداعى, سونىڭ ىشىندە مەملەكەتتىك قۇرىلىمدار اراسىنداعى الاۋىزدىقتىڭ الدىن الۋ ەكەنىن اتاپ وتكەن. پرەزيدەنتتىڭ ايتۋىنشا, بۇل شەشىم مەملەكەت مۇددەسىن كوزدەپ, ەلدە تۇراقتى ءارى ۇيلەسىمدى ساياسي احۋال قالىپتاستىرۋعا باعىتتالعان.
كامچىبەك تاشيەۆتى قىزمەتىنەن بوساتۋ تۋرالى جارلىق كونستيتۋتسياعا سايكەس قابىلدانعان. ارنايى قىزمەت باسشىسىنىڭ وتستاۆكاسى ۇلتتىق قاۋىپسىزدىك جۇيەسىندەگى كادرلىق وزگەرىستەر اياسىندا جۇزەگە استى.
قازىرگى ۋاقىتتا ۇقمك توراعاسىنىڭ مىندەتىن ۋاقىتشا جۇمعالبەك شابدانبەكوۆ اتقارىپ وتىر.
قىرعىزستان ميگرانتتاردىڭ قۇقىعىن بۇزعانى ءۇشىن رەسەيدى سوتقا بەردى