سوڭعى ۋاقىتتا الەۋمەتتىك جەلىلەردە قارجىلىق مونيتورينگ اگەنتتىگى مەسسەندجەرلەر مەن الەۋمەتتىك جەلىلەردەگى جەكە حاتتاردى تولىق باقىلاۋعا الادى دەگەن اقپارات تارادى. الايدا قارجىلىق مونيتورينگ اگەنتتىگى بۇل مالىمەتتەردىڭ شىندىققا جاناسپايتىنىن ءتۇسىندىردى, دەپ حابارلايدى Egemen.kz.
دەزينفورماتسياعا قارسى ورتالىقتىڭ مالىمەتىنشە, جاڭا ەرەجەلەر تەك اشىق, ياعني بارشاعا قولجەتىمدى اقپاراتتى باقىلاۋعا قاتىستى. بۇل – جاريا جازبالار مەن رەپوستتار, اسىرەسە قارجى پيراميدالارىن جارنامالاۋ, ونلاين-كازينو مەن زاڭسىز لوتەرەيالاردى ناسيحاتتاۋ سياقتى كونتەنتتەرگە باعىتتالعان.
ال ازاماتتاردىڭ جەكە حات-حابارلارىن باقىلاۋ بۇل ەرەجەلەردە مۇلدەم قاراستىرىلماعان. سوندىقتان جەكە حاتتارعا تىڭشىلىق جاسالادى دەگەن اقپارات – مانيپۋلياتسيا جانە جالعان مالىمەت.
رەفەرەندۋم: جەلىدە جالعان اقپاراتتىق شابۋىلدار تىركەلىپ جاتىر
بۇعان دەيىن اگەنتتىك وكىلدەرى زاڭسىز ونلاين-كازينونى جارنامالايتىن بلوگەرلەرگە قاتىستى قىلمىستىق جاۋاپكەرشىلىك ەنگىزۋدى ۇسىنعان بولاتىن. سونىمەن قاتار, قاسىم-جومارت توقاەۆ قارجى پيراميدالارىنا ادامداردى تارتاتىن تۇلعالاردى قاتاڭ جازالاۋ قاجەتتىگىن اتاپ وتكەن.