الماتى قالاسىندا ءال-فارابي داڭعىلى بويىندا بولعان جول-كولىك وقيعاسىنا بايلانىستى قىلمىستىق ءىس قوزعالدى. اپات سالدارىنان ءۇش ادام قازا تاپتى. بۇل تۋرالى قالالىق پوليتسيا دەپارتامەنتى باسشىسىنىڭ ورىنباسارى, پوليتسيا پولكوۆنيگى رۋستام شاريباەۆ مالىمدەدى, دەپ حابارلايدى Egemen.kz.
اتالعان ءىس قر قىلمىستىق كودەكسىنىڭ 345-بابى 4-بولىگى بويىنشا تەرگەلىپ جاتىر. بۇل باپ جول قوزعالىسى ەرەجەلەرىن بۇزىپ, ابايسىزدا ەكى نەمەسە ودان دا كوپ ادامنىڭ ولىمىنە اكەلگەن جاعدايلارعا قاتىستى. كىنالى ادامعا 10 جىلعا دەيىن باس بوستاندىعىنان ايىرۋ جازاسى قاراستىرىلعان.
وقيعا تاڭعى ساعات 03:30 شاماسىندا بولعان. الدىن الا مالىمەت بويىنشا, باتىس باعىتتا كەلە جاتقان Zeekr كولىگى جوعارى جىلدامدىقپەن قارسى جولاققا شىعىپ كەتىپ, شىعىس باعىتتا قوزعالىپ كەلە جاتقان Mercedes-Benz اۆتوكولىگىمەن سوقتىعىسقان.
قاراعاندى وبلىسىندا جول اپاتىنان 3 ادام كوز جۇمدى
جول اپاتى سالدارىنان Mercedes كولىگىنىڭ جۇرگىزۋشىسى مەن 22 جانە 20 جاستاعى ەكى جولاۋشى قىز وقيعا ورنىندا كوز جۇمدى. ال Zeekr جۇرگىزۋشىسى امان قالىپ, جاراقاتپەن اۋرۋحاناعا جەتكىزىلدى.
قازىرگى ۋاقىتتا كۇدىكتى پوليتسيا كۇزەتىمەن مەديتسينالىق مەكەمەدە جاتىر. جاعدايى تۇراقتالعان سوڭ, ونى ۋاقىتشا ۇستاۋ يزولياتورىنا قاماۋ جوسپارلانىپ وتىر.
پوليتسيانىڭ مالىمەتىنشە, وقيعاعا قاتىسى بار بارلىق تۇلعالار انىقتالعان. ولارعا قاتىستى اكىمشىلىك ءىس جۇرگىزىلىپ, ماتەريالدار سوتقا جولداندى. كولىكتەر ارنايى ايىپ تۇراعىنا قويىلعان.
سونىمەن قاتار, جۇرگىزۋشىنىڭ الكوگول قولدانعان-قولدانباعانىن انىقتاۋ ءۇشىن مەديتسينالىق ساراپتاما تاعايىندالدى. ناتيجەلەرى كەيىن حابارلانادى.
اقتوبە وبلىسىندا جول اپاتىنان جۇرگىزۋشى مەن ءتورت جولاۋشى قازا تاپتىتەرگەۋ بارىسىندا بارلىق بەينەباقىلاۋ كامەرالارىنىڭ جازبالارى, سونىڭ ىشىندە جەكە كامەرالاردان الىنعان ماتەريالدار دا تاركىلەنىپ, ءىس ماتەريالدارىنا قوسىلعان.
پوليتسيا وكىلدەرى: «بارلىق كىنالىلەر زاڭ الدىندا جاۋاپ بەرەدى. ازاماتتاردان تەك رەسمي اقپاراتقا سەنىپ, جالعان مالىمەت تاراتپاۋىن سۇرايمىز», دەپ مالىمدەدى.
قازىرگى ۋاقىتتا بۇل ءىس الماتى پوليتسيا دەپارتامەنتىنىڭ ەرەكشە باقىلاۋىندا.