جاڭا جەڭىلدەتىلگەن يپوتەكا كىمدەرگە بەرىلەدى؟

ۇكىمەتتىڭ مالىمەتىنشە, 2030 جىلعا دەيىن ەلدىڭ ەنەرگەتيكالىق ينفراقۇرىلىمى جاڭارتىلىپ, كەڭەيتىلەدى. جاڭا جانە جاڭعىرتىلاتىن نىسانداردىڭ جالپى قۋاتى 7,8 گۆت بولادى. نەگىزگى قۇرىلىس ورىندارى:

ەكىباستۇز كۋرچاتوۆ جەزقازعان كوكشەتاۋ سەمەي وسكەمەن

سونىمەن قاتار, 11 جۇمىس ىستەپ تۇرعان ستانتسيا جاڭعىرتىلادى. سونىڭ ىشىندە اقسۋ جانە ەكىباستۇز گرەس-تەرى, قاراعاندى ەنەرگەتيكالىق توراپتارى بار. بۇل شارالار جابدىقتاردىڭ توزۋىن شامامەن 12,6%-عا ازايتىپ, جۇيەنىڭ سەنىمدىلىگىن ارتتىرادى.

قازاقستاندا «ناۋرىز» يپوتەكاسىنا ءوتىنىم قابىلداۋ ۋاقىتشا توقتاتىلادى

جوبا بيۋدجەتتەن تىس قاراجات ەسەبىنەن, ينۆەستورلاردى تارتۋ ارقىلى جۇزەگە اسادى. جالپى ينۆەستيتسيا كولەمى كەمىندە 7,5 ترلن تەڭگەنى قۇرايدى. نەگىزگى ماقسات – ەلدە ەلەكتر ەنەرگياسىنا ءوسىپ جاتقان سۇرانىستى تۇراقتى تۇردە قامتاماسىز ەتۋ.

جاڭا ستانتسيالار «تازا كومىر» تەحنولوگياسىمەن سالىنادى. بۇل زياندى شىعارىندىلاردى ازايتىپ, قورشاعان ورتاعا اسەرىن تومەندەتەدى.

جوبا اياسىندا 4,5 مىڭعا جۋىق جاڭا جۇمىس ورنى اشىلادى. سالا قىزمەتكەرلەرىنە ارنايى جەڭىلدەتىلگەن يپوتەكا ۇسىنىلادى. بۇل باعدارلاما «وتباسى بانك» ارقىلى جۇزەگە اسادى. ياعني, كومىر ەلەكتر ستانتسيالارىندا جۇمىس ىستەيتىن ازاماتتار تۇرعىن ءۇيدى ءتيىمدى شارتتارمەن ساتىپ الا الادى.

سونىمەن قاتار, مامانداردى دايارلاۋ مەن بىلىكتىلىگىن ارتتىرۋ دا قاراستىرىلعان.

يپوتەكامەن ءۇي الاتىندار ءۇشىن نوتاريۋس اقىسى 3 ەسە ارزاندادى

جوبا كومىر ءوندىرۋ جانە تاسىمالداۋ جۇيەسىمەن بىرگە داميدى. 2030 جىلعا قاراي كومىرگە سۇرانىس جىلىنا 20 ملن تونناعا ارتادى دەپ كۇتىلەدى. وسىعان بايلانىستى تەمىرجول ينفراقۇرىلىمى جاڭارتىلىپ, جۇك ۆاگوندارى كوبەيتىلەدى.