يتاليادا ءوتىپ جاتقان 2026 جىلعى وليمپيادا ويىندارىندا شورت-ترەكتەن ارالاس ەستافەتادا شيرەك فينالدىق جارىستار ءوتتى, دەپ جازادى Egemen.kz.
ەل قۇراماسى سوڭعى, ءۇشىنشى جارىستا ونەر كورسەتتى. ابزال اجىعاليەۆ, دەنيس نيكيشا, ولگا تيحونوۆا جانە يانا حان ءتورتىنشى ناتيجە كورسەتتى.
ءاربىر جارىستا العاشقى ەكى كوماندا جارتىلاي فينالعا جولداما الدى. سونىمەن قاتار ءۇشىنشى ورىن العان كوماندالاردىڭ اراسىنان ەڭ جاقسى ۋاقىت ناتيجەسىن كورسەتكەن تاعى ەكى قۇراما دا كەلەسى كەزەڭگە ءوتتى.
وسىلايشا, ۇلتتىق قۇراما بۇل وليمپيادالىق سايىس تۇرىنەن جارىس جولىن اياقتادى.
ايتا كەتەيىك, بۇگىن قىسقى وليمپيادانىڭ جارىس جولىنا شورت-ترەكشىلەر مەن شاڭعىشىلار دا شىقتى. وكىنىشكە قاراي, بۇل سىنداردا وتانداستارىمىز كەلەسى كەزەڭگە وتە المادى.
ال فريستايل-موگۋلدان ىرىكتەۋ كەزەڭىندە باق سىناعان پاۆەل كولماكوۆ فينالعا جولداما الدى.