ەندى مىندەت ەمەس, قۇقىق: جاڭا كونستيتۋتسيا جوباسىندا قۇرىلتايعا قاتىستى نورما ناقتىلاندى

«كونستيتۋتسيا جوباسىنىڭ 8-ءشى بابىندا مەنشىكتىڭ ەكى نىسانى تانىلادى جانە تەڭ قورعالادى دەلىنگەن. ولار – مەملەكەتتىك جانە جەكە مەنشىك. كوپتەگەن ۇسىنىستا بۇل نورمانىڭ بارلىق مەنشىك نىساندارىن قامتىمايتىنى ايتىلعان. وسىلايشا, اتالعان باپتىڭ 1-ءشى تارماعى «قازاقستان رەسپۋبليكاسىندا بارلىق مەنشىك ءتۇرى تانىلادى, ولارعا كەپىلدىك بەرىلەدى جانە تەڭ قورعالادى» دەپ جازىلدى», دەدى باقىت نۇرمۇحانوۆ.

جوبانىڭ 14-ءشى بابىنىڭ 2-ءشى تارماعىندا ادام قۇقى مەن بوستاندىعى ءار ادامعا تۋمىسىنان تيەسىلى, ولار ءابسوليۋتتى جانە ولاردان ەشكiم ايىرا المايدى دەپ كورسەتىلگەن. ازاماتتار مەن ماماندار بۇل نورمانى كۇشەيتۋدى ۇسىنىپ, «ادام قۇقى مەن بوستاندىعى زاڭنامانىڭ مازمۇنى مەن قولدانىلۋىن ايقىندايدى» دەپ قوسۋدى سۇراعان.

«سوت شەشىمىمەن عانا»: تۇرعىن ءۇي قۇقىعىنا كەپىلدىكتى كونستيتۋتسيالىق دەڭگەيدە كۇشەيتۋ ۇسىنىلدى

بۇل ۇسىنىستار ەسكەرىلىپ, تارماق «ادام قۇقى مەن بوستاندىعى ءار ادامعا تۋمىسىنان تيەسىلى, ولار ءابسوليۋتتى جانە ولاردان ەشكiم ايىرا المايدى, قولدانىستاعى قۇقىعىنىڭ مازمۇنى مەن قولدانىلۋى وسىعان قاراي انىقتالادى» دەپ جازىلاتىن بولدى.

«14-ءشى باپتىڭ 3-ءشى تارماعىندا قازاقستان ازاماتىنىڭ ءوز ازاماتتىعىنا وراي قۇقىقتارى مەن مiندەتتەرى بار دەلىنگەن. ازاماتتىق ادامنىڭ مەملەكەتپەن كونستيتۋتسيالىق-قۇقىقتىق بايلانىسىن بىلدىرەدى. دەمەك, ەل ازاماتتارى كونستيتۋتسيادا بەلگىلەنگەن قۇقىقتاردىڭ, بوستاندىقتار مەن مىندەتتەردىڭ تولىق كولەمىنە يە جانە زاڭ الدىندا تەڭ. اتالعان باپتىڭ 5-ءشى تارماعى دا ناقتىلاندى. وزگەرگەن رەداكتسيا بويىنشا, ادامنىڭ جانە ازاماتتىڭ قۇقىقتارى مەن بوستاندىقتارىن ىسكە اسىرۋ باسقا تۇلعانىڭ قۇقى بۇزباۋعا جانە بوستاندىعىن شەكتەمەۋگە تيiس, كونستيتۋتسيالىق قۇرىلىس نەگىزدەرىنە, قوعامدىق تارتىپكە, ازاماتتاردىڭ دەنساۋلىعى مەن قوعامنىڭ ادامي بولمىسىنا نۇقسان كەلتiرمەۋگە تيiس», دەدى ول.

بۇدان بولەك, قۇرىلتايدى تاراتۋ تەتىگىن نەعۇرلىم يكەمدى ءارى ىمىراعا كەلۋدى كوزدەيتىندەي ەتۋ تۋرالى ۇسىنىستار دا ەسكەرىلدى. وسىعان بايلانىستى «تاراتادى» دەگەن تۇجىرىم «تاراتۋعا قۇقىلى» دەگەن نۇسقامەن اۋىستىرىلدى.

ارتۋر لاستاەۆ: سوت شەشىمىنسىز تۇرعىن ۇيدەن ايىرۋعا دا, باسپانادان شىعارۋعا دا جول بەرىلمەيدى

«جالپىحالىقتىق تالقىلاۋ ءۇشىن جاريالانعان كونستيتۋتسيا جوباسىندا بۇل وكىلەتتىكتەر يمپەراتيۆتى تۇردە بەكىتىلگەن. ەندى  پرەزيدەنتتىڭ اتالعان وكىلەتتىكتەرىن ءديسپوزيتيۆتى فورمادا تۇجىرىمداپ, قۇقىق رەتىندە بەكىتۋ ۇسىنىلادى. ءتيىستى وزگەرىستەر 46-باپتىڭ 2), 4) جانە 8) تارماقشالارىنا, 57-باپتىڭ 1-تارماعىنا جانە 62-باپتىڭ 1 جانە 2-تارماقتارىنا ەنگىزىلدى», دەپ ءتۇسىندىردى كوميسسيا مۇشەسى.

سونىمەن بىرگە كورسەتىلگەن كونستيتۋتسيالىق نورمالاردا قۇرىلتايدى تاراتۋعا شەكتەۋلەر قويىلادى. توتەنشە نەمەسە سوعىس جاعدايى كەزىندە, پرەزيدەنت وكىلەتتىگىنىڭ سوڭعى التى ايىندا, الدىڭعى تاراتۋدان كەيىنگى ءبىر جىل ىشىندە نەمەسە كونستيتۋتسيانىڭ 51-بابىندا بەلگىلەنگەن جاعدايدا قۇرىلتايدى تاراتۋعا بولمايدى.

جاڭا كونستيتۋتسيادا وتپەلى كەزەڭنىڭ بارلىق راسىمدەرى ناقتى جازىلادى