پاۆلودار وبلىسىندا زاڭسىز كوشى-قون ۇيىمداستىرعان جاسىرىن ارنا انىقتالىپ, پوليتسيا تاراپىنان توقتاتىلدى, دەپ حابارلايدى Egemen.kz.
كريمينالدىق پوليتسيا قىزمەتكەرلەرى ارنايى وپەراتسيا بارىسىندا مەملەكەتتىك شەكارا ارقىلى زاڭسىز ترانزيت ۇيىمداستىرۋ ارەكەتىنىڭ جولىن كەستى. جەدەل ءىس-شارا كەزىندە كورشى ەلدىڭ ازاماتى ۇستالدى. تەرگەۋ مالىمەتىنشە, ول ءوز وتانداستارىن رەسەي ارقىلى قازاقستان اۋماعىنا زاڭسىز كىرگىزۋدىڭ سحەماسىن جاساعان.
كۇدىكتى ءوز جوسپارىن جۇزەگە اسىرۋ ءۇشىن جۇك كولىگىن پايدالانعان. تەكسەرۋ بارىسىندا MAN truck ماركالى كولىكتىڭ ىشىنەن ادامداردى جاسىرىن تاسىمالداۋعا ارنالعان ارنايى جابدىقتالعان قۇپيا ورىن انىقتالدى. اۆتوكولىك تاركىلەنىپ, ايىپ تۇراعىنا قويىلدى.
شىمكەنتتە زاڭسىز ميگراتسيامەن اينالىسقان توپ ۇستالدى
قازىرگى ۋاقىتتا كۇدىكتىگە قاتىستى سوتقا دەيىنگى تەرگەۋ امالدارى جۇرگىزىلىپ جاتىر. وعان زاڭسىز كوشى-قوندى ۇيىمداستىرۋ, كولىك قۇرالىن پايدالانۋ ارقىلى قىلمىستىق ارەكەت جاساۋ فاكتىلەرى بويىنشا ءىس قوزعالعان.
قۇقىق قورعاۋ ورگاندارى بۇل ىسكە قاتىسى بولۋى مۇمكىن باسقا تۇلعالاردى انىقتاۋ جۇمىستارىن جالعاستىرىپ جاتىر.