الەۋمەتتىك جەلىلەردە شىمكەنت قالاسىنىڭ چاپاەۆكا شاعىن اۋدانىندا بولعان وقيعا تۇسىرىلگەن ۆيدەو تارادى. الدىن الا مالىمەتكە سايكەس, جەرگىلىكتى اكىمدىك وكىلدەرى اسكەري جاسقا تولعان ازاماتتاردى ەسەپكە الۋ ماقساتىندا جوسپارلى رەيد جۇرگىزگەن. سول ساتتە جاس جىگىت جاعدايدى دۇرىس تۇسىنبەي, دۇربەلەڭگە ءتۇسىپ, قاشپاق بولعان. قاتتى قوبالجىعان ول قۇلاپ قالعان, دەپ حابارلايدى Egemen.kz.
رەسمي اقپارات بويىنشا, ماماندار وعان جاعدايدى تۇسىندىرگەننەن كەيىن ازامات ءوز ەركىمەن جيىن پۋنكتىنە بارعان. كەيىن ول مەديتسينالىق تەكسەرىستەن ءوتىپ, اسكەرگە جارامدى دەپ تانىلعان.
كوپ ۇزاماي ۆيدەوداعى ازامات – قالا تۇرعىنى يسلام ءوزجان جەلىدە مالىمدەمە جاساپ, وقيعا كەزىندە قۇقىق قورعاۋ ورگاندارى قىزمەتكەرلەرىنەن شوشىپ قاشقانىن ايتتى. سونداي-اق قازىرگى ۋاقىتتا ول اسكەر قاتارىنا ءوز ەركىمەن بارىپ جاتقانىن جەتكىزدى.
كوكتەمگى اسكەرگە شاقىرۋ: ءوتىنىمدى ەندى ونلاين بەرۋگە بولادى
ىشكى ىستەر مينيسترلىگى بۇل جاعداي بويىنشا رەسمي ارىز نەمەسە شاعىم تۇسپەگەنىن مالىمدەدى.