جاڭا كونستيتۋتسيانىڭ كۇشىنە ەنۋ ءتارتىبى مەن وتپەلى كەزەڭنىڭ بارلىق راسىمدەرى ناقتى ءارى بىرجاقتى جازىلۋى كەرەك. كونستيتۋتسيالىق رەفورما جونىندەگى كوميسسيانىڭ كەزەكتى وتىرىسىندا وسى ماسەلە جان-جاقتى تالقىلاندى. دەپۋتاتتار ساياسي ۇدەرىستىڭ ۇزدىكسىزدىگىن ساقتاۋ ءۇشىن قۇقىقتىق ايقىندىقتىڭ شەشۋشى ءمانى بار ەكەنىن اتاپ ءوتتى, دەپ جازادى Egemen.kz.
كوميسسيا وتىرىسىندا ءسوز العان ءماجىلىس دەپۋتاتى سنەجاننا يماشەۆا جاڭا كونستيتۋتسيا جوباسىندا وتپەلى ەرەجەلەردىڭ بارلىعى ەگجەي-تەگجەيلى كورسەتىلۋى قاجەت دەگەن پىكىر ايتتى. ونىڭ ايتۋىنشا, ەڭ الدىمەن كونستيتۋتسيانىڭ ناقتى قاي ساتتەن باستاپ كۇشىنە ەنەتىنى ايقىندالۋى ءتيىس.
«جوبادا ونىڭ ەرەجەلەرى ناقتى قاي ساتتەن باستاپ كۇشىنە ەنەتىنىن بەكىتۋ كەرەك. رەسپۋبليكالىق رەفەرەندۋمنىڭ ناتيجەلەرى رەسمي جاريالانعان كۇننەن باستاپ پا الدە ناقتى بەلگىلەنگەن وزگە كۇننەن باستاپ پا؟» دەدى دەپۋتات.
دەپۋتات كونستيتۋتسيانىڭ «جالپى ەرەجەلەر» ءبولىمىن جاڭاشا اتاۋدى ۇسىندى
سنەجاننا يماشەۆا وتپەلى كەزەڭدە قازىرگى مەملەكەتتىك بيلىك ورگاندارىنىڭ مارتەبەسىن دە ناقتىلاپ الۋ قاجەت ەكەنىن جەتكىزدى. اسىرەسە قولدانىستاعى پارلامەنتتىڭ وكىلەتتىگى قاي ۋاقىتقا دەيىن جالعاساتىنى, قۇرىلتاي سايلاۋى قانداي مەرزىمدە جانە قانداي تارتىپپەن وتەتىنى اشىق جازىلۋعا ءتيىس.
«مەنىڭ ويىمشا, بۇل ماسەلەلەردى زاڭنامالىق فۋنكتسيانىڭ ۇزدىكسىزدىگىن قامتاماسىز ەتىپ, سونىمەن قاتار كونستيتۋتسياداعى ينستيتۋتسيونالدىق جاڭاشىلدىقتاردى ىسكە اسىرۋ قاجەتتىگىن ەسكەرە وتىرىپ قاراستىرۋ كەرەك», دەدى ول.
دەپۋتات يماشەۆا قازاقستاننىڭ جاڭا كونستيتۋتسياسىن قابىلداۋ يدەياسىن قولدادى
دەپۋتات سونداي-اق وتپەلى ەرەجەلەردە كونستيتۋتسيالىق سوتتىڭ, ورتالىق سايلاۋ كوميسسياسىنىڭ جانە جوعارى اۋديتورلىق پالاتانىڭ جاڭا قۇرامىن قالىپتاستىرۋ تەتىكتەرى قامتىلۋى ماڭىزدى ەكەنىن اتاپ ءوتتى. بۇعان قوسا, نەگىزگى مەملەكەتتىك ورگانداردىڭ لاۋازىمدى تۇلعالارىن تاعايىنداۋ ءتارتىبى دە ناقتى رەگلامەنتتەلۋى قاجەت.
«وسى راسىمدەردى ناقتى بەكىتۋ قۇقىقتىق ايقىندىقتى قامتاماسىز ەتەدى جانە ينستيتۋتسيونالدىق اۋىسۋ كەزەڭىندە كونستيتۋتسيالىق ورگانداردىڭ جوقتىعى جاعدايىن بولدىرماۋعا مۇمكىندىك بەرەدى», دەدى سنەجاننا يماشەۆا.
توقاەۆ: ادۆوكاتتاردىڭ ۇسىنىسىمەن اتا زاڭ جوباسىنا ادۆوكاتۋرا تۋرالى جەكە باپ قوسىلدى
ونىڭ ايتۋىنشا, جاڭا كونستيتۋتسيا كۇشىنە ەنگەن ساتتەن باستاپ قولدانىستاعى زاڭدار مەن وزگە دە نورماتيۆتىك قۇقىقتىق اكتىلەردىڭ تاعدىرى دا ايقىن كورسەتىلۋى كەرەك. قاي قۇجاتتار ءوز كۇشىن ساقتايتىنى جانە ولار قانداي مەرزىمدە جاڭا كونستيتۋتسياعا سايكەستەندىرىلەتىنى ناقتى بەلگىلەنۋى ءتيىس.
«اتالعان ەرەجەلەردى بەكىتۋ قۇقىقتىق ايقىندىقتى, مەملەكەتتىك ينستيتۋتتاردىڭ جۇمىسىن بولجاۋدى جانە وتپەلى كەزەڭدە ءاربىر ورگاننىڭ وكىلەتتىك شەگىن ناقتىلاۋدى قامتاماسىز ەتەدى», دەپ تۇيىندەدى دەپۋتات.