1 ماۋسىمنان باستاپ ەستونيادا جاعار-جانارماي باعاسى كۇرت وسە باستادى. ءبىر اپتا ىشىندە باعا ورتاشا ەسەپپەن 2-3%-عا كوتەرىلدى, دەپ حابارلادى Egemen.kz ERR-عا سىلتەمە جاساپ.
جوعارى سۇرانىسقا يە اي-95 جانارمايىنىڭ قۇنى ليترىنە 2,079-دان 2,119 ەۋروعا دەيىن ءوستى. بۇل رەتتە 18 مامىردا بۇل وتىن ءتۇرىنىڭ باعاسى ءليترى ءۇشىن 2,059 ەۋروعا كوتەرىلگەن كەزدە باعا رەكوردتىق كورسەتكىشكە جەتتى.
ءدال وسىنداي جاعداي اي-98 ماركالى جانارمايعا دا قاتىستى. ول ليترىنە 2,129 ەۋرودان 2,169 ەۋروعا دەيىن قىمباتتاپ, اپتالىق ءوسىم 1,8%-دى كورسەتتى.
دەسە دە, ەڭ جوعارى كورسەتكىش ديزەل وتىنىنا تيەسىلى. ونىڭ باعاسى ليترىنە 1,889 ەۋرودان 1,949 ەۋروعا دەيىن, ياعني 3%-عا ارتتى.
ەستونيادا جانارماي باعاسىنىڭ قىمباتتاۋى الەمدىك نارىقتاعى مۇناي باعاسىنىڭ كوتەرىلۋىنە بايلانىستى بولىپ وتىر. ول باررەلىنە 120 دوللاردى قۇراپ, ەڭ جوعارى دەڭگەيگە جەتتى.