شىعىس قازاقستاندا ورمان ءورتى اۋىزدىقتالدى, دەپ حابارلايدى Egemen.kz شقو تجد ءباسپاسوز قىزمەتىنە سىلتەمە جاساپ.
«1 ماۋسىمدا «سەمەي ورمانى» موتر اۋماعىندا, جاڭاسەمەي فيليالىندا, پودگورودنەە ورمان شارۋاشىلىعىندا باستالعان ءورت 2 ماۋسىمدا ساعات 11.00-دە وقشاۋلاندى. ءورتتى سوندىرۋگە شقو تج دەپارتامەنتىنىڭ, جەرگىلىكتى اتقارۋشى ورگانداردىڭ, تجم № 68303 اسكەري ءبولىمىنىڭ ورمانشىلارى مەن كۇشتەرى, جالپى سانى 399 ادام مەن 85 تەحنيكا جۇمىلدىرىلدى», دەلىنگەن حابارلامادا.
قاتتى جەل ءورتتى اۋىزدىقتاۋعا قيىندىق تۋعىزعانى ايتىلدى. ءورتتىڭ الدىن الا سەبەبى - نايزاعاي. ءورتتىڭ جالپى اۋدانى شامامەن 200-250 گەكتار بولعان. قازا بولعاندار مەن زارداپ شەككەندەر جوق.