الەۋمەتتىك جەلىلەردە سىبايلاس جەمقورلىققا قارسى قىزمەتى ۇستاعان نۇربول كارىموۆ Instagram-دا تىكەلەي ەفيرگە شىعىپ, الماتىدا جول ەرەجەسىن ورەسكەل بۇزعان جۇرگىزۋشىنى ۇستادى دەگەن ۆيدەو تاراتىلۋدا, دەپ حابارلايدى Egemen.kz ANTIKOR-عا سىلتەمە جاساپ.
سىبايلاس جەمقورلىققا قارسى ءىس-قيمىل اگەنتتىگى بۇل اقپاراتتى جوققا شىعاردى.
«نۇربول كارىموۆ وسى جىلدىڭ 20 مامىرىنان باستاپ سوتتىڭ سانكتسياسىمەن 2 اي مەرزىمگە قاماۋدا وتىر. وعان قاتىستى الاياقتىق ءىس-ارەكەتتەر فاكتىسى بويىنشا قىلمىستىق ءىس تەرگەلىپ جاتىر. سونىمەن قاتار سوتقا دەيىنگى تەرگەۋ بارىسىندا الماتى قالاسىندا لاۋازىمدى تۇلعالارعا پارا بەرۋگە يتەرمەلەۋدىڭ قوسىمشا فاكتىسى انىقتالدى. كاريموۆ باسقا ۇقساس قىلمىستاردى بۇرىن جاساعان بولۋى مۇمكىن ەكەنىن حابارلايمىز», دەلىنگەن اگەنتتىك حابارلاماسىندا.
ەسكە سالا كەتسەك, 19 مامىردا سىبايلاس جەمقورلىققا قارسى قىزمەت ءوزىن انتيكور قىزمەتكەرى رەتىندە تانىستىرىپ, اقتاۋ قالاسى اكىمدىگىنىڭ لاۋازىمدى تۇلعالارىنان كوممەرتسيالىق وبەكتىلەردى ورنالاستىرۋ ءۇشىن ونىڭ اتىنا جەر ۋچاسكەسىن رەسىمدەۋدى تالاپ ەتكەن نۇربول كاريموۆتى اشكەرەلەدى.