تۇرمەگە قورشاۋ ارقىلى الكوگول قۇيىلعان سۇيىقتىقتىڭ كوپ مولشەرىن جازاسىن وتەۋشىلەرگە جولداماق بولعان ازامات ۇستالدى, دەپ حابارلايدى Egemen.kz.
شقو بويىنشا قاجد وۆ 156/20 كولونياسىندا اۋماقتىڭ سىرتىن باقىلاۋ كەزىندە مەكەمە قىزمەتكەرلەرى تۇرمە اۋماعىنا كۇدىكتى زات لاقتىرماقشى بولعان ادامدى بايقاعان.
قىزمەتكەرلەردەن قاشپاق بولعان كۇدىكتى ۇستالىپ, ودان 10-نان استام الكوگول سۇيىقتىعى بار بوتەلكە, ۇيالى تەلەفوندار, قۇلاققاپتار تاركىلەنگەن.
«سوتتالعانداردىڭ پايدالانۋىنا تىيىم سالىنعان زاتتاردى تۇرمەگە كىرگىزۋدى بولدىرماۋ جانە الدىن الۋ بويىنشا جۇمىستار جالعاساتىن بولادى. مەكەمە قىزمەتكەرلەرى ءاردايىم ءوز مىندەتتەرىن مۇقيات ورىنداۋدا», دەدى مەكەمە باستىعى ادىلەت پولكوۆنيگى قايسار باتىربەكوۆ.
ۇستالعان ادام قر اقبتك-ءنىڭ 481-بابى بويىنشا اكىمشىلىك قۇقىق بۇزۋشىلىققا تارتىلاتىن بولادى.
گۇلدانا ەلۋباي