2022 جىلدىڭ شىلدەسىنەن باستاپ بقو-دا «بوكەيوردا» مەملەكەتتىك تابيعي رەزەرۆاتى رەسپۋبليكالىق مەملەكەتتىك مەكەمەسى مەن «اششىوزەك» مەملەكەتتىك تابيعي اۋماعى قۇرىلادى. بۇل تۋرالى ەكولوگيا ۆيتسە-ءمينيسترى ءاليا شالابەكوۆا اتالعان وڭىرگە جۇمىس ساپارى كەزىندە ايتتى, دەپ حابارلايدى Egemen.kz.
ەكولوگيا مينيسترلىگىنىڭ وكىلدەرى بقو-عا ءىس-ساپارمەن باردى. وندا جانىبەك اۋدانىنىڭ جەرگىلىكتى شارۋالارىمەن كەزدەستى. جيىندا سوڭعى جىلدارى كوبەيگەن كيىك ماسەلەسى كوتەرىلدى. ويتكەنى ورال پوپۋلياتسياسىنداعى كيىكتەردىڭ سانى 800 مىڭنان اسقان. تۇرعىندار ءتورت ت ۇلىكتىڭ جايىلىمىندا كوگال قالمايتىنىن ايتادى.
«كيىكتەردىڭ كوپتىگىنەن ءبىز شارۋالار جاپا شەگىپ جاتىرمىز. جايىلىمعا ميلليونعا جۋىق كيىك كەلسە, ول جەردە ەشقانداي ءشوپ قالمايدى. بۇلاردىڭ سانى ايتارلىقتاي كوپ. قالاي دا ازايتۋ كەرەك», دەدى بقو جانىبەك اۋدانى كۇيگەن كول اۋىلىنىڭ تۇرعىنى بورانباي ايتقاليەۆ.
ەكولوگيا ءمينيسترىنىڭ ورىنباسارى ءاليا شالابەكوۆا كيىكتەردى اۋلاۋ ءۇشىن بيولوگيالىق نەگىزدەمە كەرەكتىگىن ايتادى. دەگەنمەن, وسى ماسەلەگە قاتىستى مينيسترلىك ءتيىستى جۇمىستاردى جۇرگىزىپ جاتىر. سونداي-اق, جيىندا ۆيتسە-مينيستر شىلدە ايىنان باستاپ وسى وڭىردە ەرەكشە قورعالاتىن تابيعي اۋماقتار قۇرىلاتىنىن ايتادى. وسى ارقىلى ورال پوپۋلياتسياسىنداعى كيىكتىڭ 250 مىڭعا دەيىن باسىن اتالعان اۋماقتا ۇستاپ تۇرۋ كوزدەلمەك.
«بۇگىنگى تاڭدا رەسپۋبليكالىق ماڭىزى بار ەرەكشە قورعالاتىن تابيعي اۋماقتار قۇرۋ تۋرالى قاۋلى شىقتى. تابيعي اۋماقتىڭ اۋدانى 314504,1 گەكتاردى, رەزەرۆاتىنىڭ اۋدانى 343040,1 گەكتاردى قۇرايدى. باتىس قازاقستان وبلىسىنىڭ بوكەي ورداسى, جانىبەك, كازتالوۆ, جاڭاقالا اۋداندارىنىڭ اۋماعىندا ورنالاساتىن بولادى. مۇندا كيىكتىڭ 250 مىڭ باسىنا دەيىن ساقتالادى», دەدى ەكولوگيا, گەولوگيا جانە تابيعي رەسۋرستار ۆيتسە-ءمينيسترى ءاليا شالابەكوۆا.
ايتا كەتسەك, قازاقستان اۋماعىندا بەتپاقدالا, ورال جانە ءۇستىرت سياقتى كيىكتەردىڭ الەمدىك پوپۋلياتسياسىنىڭ 95%-دان استامى مەكەندەيدى.
ەسكە سالساق, 2016 جىلى ەلىمىزدە جالپى كيىكتىڭ سانى 100 مىڭنان ءسال اسقان. تابيعات ساقشىلارىنىڭ جۇيەلى جۇمىسىنىڭ ناتيجەسىندە قازىر ولاردىڭ سانى ءبىر ميلليون بەس ءجۇز مىڭعا جۋىقتاعان.