حالىقارالىق گروسسمەيستەر جانە الماتى شاحمات فەدەراتسياسىنىڭ پرەزيدەنتى جانسايا ابدىمالىك ايەلدەر بۋندەسليگاسىندا (گەرمانيا) ءوزى ونەر كورسەتكەن OSG Badاen-Baden كومانداسى جەڭىمپاز بولعانىن ءمالىم ەتتى. بۇل تۋرالى ول الەۋمەتتىك جەلىدەگى پاراقشاسىندا جازدى, دەپ حابارلايدى Egemen.kz.
«دوستار, مەن بۋندەسليگا اتىنان قاتىسقان OSG Baden-Baden كومانداسى مەرزىمىنەن بۇرىن جەڭىسكە جەتتى. 9-تۋردا ءبىز باستى قارسىلاس - SK Schwäbisch Hall كومانداسىنا قارسى وينادىق. بۇل - شەشۋشى ويىن بولدى! ءبىز 2 ½: 3 ½ ەسەبىمەن جەڭدىك», دەپ جازدى جانسايا ابدىمالىك.
شاحماتشى اتاپ وتكەنىندەي, OSG Baden-Baden كومانداسى سوڭعى رەت 2018 جىلى ليگا چەمپيونى بولعان.
«وسىلايشا, ءبىزدىڭ كلۋب رەكوردتى تۇردە 12-رەت بۋندەسليگا جەڭىمپازى اتاندى!» دەدى ول.