برازيليانىڭ ريو-دە-جانەيرو قالاسىندا پوليتسيانىڭ ەسىرتكى ساۋداسىمەن كۇرەس وپەراتسياسى بارىسىندا 21 ادام قازا تاۋىپ, تورتەۋى جارالاندى, دەپ حابارلايدى Egemen.kz.
وقيعا ۆيلا-كرۋزەيرو شاعىن اۋدانىندا بولعان. قالانىڭ ەڭ ءىرى قىلمىستىق توبى قۇقىق قورعاۋ ورگاندارىنا قارۋلى قارسىلىق كورسەتكەن. سالدارىنان 11 قىلمىسكەردىڭ كوزى جويىلىپ, 41 جاستاعى ايەلگە كەزدەيسوق وق تيگەن, قالعان 9 ءمايىت تانىلعان جوق.
وپەراتسيا بارىسىندا جەرگىلىكتى ەسىرتكى ساۋداگەرلەرى پايدالانعان 11 مىلتىق, ءتورت تاپانشا مەن گراناتا, سونداي-اق ءىرى كولەمدەگى ەسىرتكى زاتتارى, 10 اۆتوكولىك پەن 20 موتوتسيكل تاركىلەندى.
سالتانات كەنجەباي