سقو-دا بوس جۇمىس ورىندارى جارمەڭكەسى ءوتىپ جاتىر

مۇندا سولتۇستىك وبلىستاردان 3600-گە جۋىق بوس جۇمىس ورنى ۇسىنىلدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى جانار داۋلەتباەۆا حابارلادى.

«سوڭعى 5 جىلدا «ەڭبەك» مەملەكەتتىك باعدارلاماسى ارقىلى تەرىسكەيگە 735 وتباسى قونىس اۋداردى. ال بيىل 33 جانۇيا سولتۇستىككە قونىس اۋدارۋ كۆوتاسىنا ەنگىزىلدى. بوس جۇمىس ورىندارىنىڭ تىزىمىندە مۇعالىم, دارىگەر, دانەكەرلەۋشى جانە اۋىل شارۋاشىلىعى سالاسىنا قاتىستى ماماندىقتار ۇسىنىلدى. تەرىسكەيگە بەتتەگەن ازاماتتارعا مەملەكەت تاراپىنان بىرنەشە كومەكتەر كورسەتىلەدى. اتاپ ايتقاندا, وتباسى جانە وتباسى مۇشەلەرىنە 70 اەك ياعني, 222 600 تەڭگە مولشەرىندە قارجى بەرىلەدى. تۇرعىن ءۇيدى جالداۋ جانە كوممۋنالدىق قىزمەتتەر ءۇشىن بەرىلەتىن قارجى كولەمى بەكىتىلگەن. ياعني, قالالىق جەرگە قونىس اۋدارعانى ءۇشىن ءبىر ادامعا - 63 600 تەڭگە, وتباسى مۇشەلەرىنىڭ سانى ەكەۋدەن اسسا - 79 500 تەڭگە, ال بەس ادامنان كوپ بولسا - 95 400 تەڭگە مولشەرىندە تولەنەدى», دەدى جانار داۋلەتباەۆا.