«اتامەكەن» ۇلتتىق كاسىپكەرلەر پالاتاسى الاڭىندا كونستيتۋتسياعا ۇسىنىلعان تۇزەتۋلەردى ءتۇسىندىرۋ بويىنشا كەزدەسۋ ءوتتى.
ەلىمىزدىڭ اتا زاڭىنا تۇزەتۋلەردى وفلاين جانە ونلاين رەجيمدە تالقىلاۋعا 400-گە جۋىق ادام جينالدى: 17 وڭىرلىك كەڭەستىڭ وكىلدەرى, كاسىپكەرلەر, سونداي-اق باسقارما مۇشەلەرى, «اتامەكەن» ۇكپ دەپارتامەنتتەرىنىڭ ديرەكتورلارى, وڭىرلىك پالاتالاردىڭ ديرەكتورلارى جانە ولاردىڭ ورىنباسارلارى قاتىستى.
جيىن بارىسىندا قوعامدىق كەڭەستىڭ مۇشەلەرى, نۇر-سۇلتان قالاسىنىڭ قارجى جانە بيۋدجەت جونىندەگى كوميسسياسىنىڭ توراعاسى باۋىرجان سمايىلوۆ پەن BI Group ديرەكتورلار كەڭەسىنىڭ مۇشەسى باۋىرجان يساباەۆ ءوز پىكىرلەرىمەن ءبولىستى.
«مەملەكەت باسشىسى ءوزىنىڭ قازاقستان حالقىنا جولداۋىندا ەلىمىزدى جاڭعىرتۋدىڭ اۋقىمدى باعدارلاماسىن ۇسىندى. رەفەرەندۋم 2022 جىلعى 5 ماۋسىمدا وتەدى. وسىعان بايلانىستى ەكونوميكالىق جانە ساياسي رەفورمالار باعىتىندا بيزنەستى دامىتۋدىڭ جاڭا پەرسپەكتيۆالارىن تالقىلاۋدىڭ كەزى كەلدى», دەدى «اتامەكەن» ۇكپ باسقارما توراعاسىنىڭ ورىنباسارى ەربول وستەمىروۆ.
شاقىرىلعان ساراپشىلار جالپىحالىقتىق داۋىس بەرۋگە شىعارىلاتىن كونستيتۋتسياعا ەنگىزىلەتىن نەگىزگى وزگەرىستەر تۋرالى ايتتى. جالپى تۇزەتۋلەر 12 نەگىزگى بلوكتى قاراستىرادى. ءبىرىنشى بلوك پرەزيدەنتتىڭ لاۋازىمىنا بايلانىستى شەكتەۋگە قاتىستى.
ء«بىرىنشى كەزەكتە پرەزيدەنتتىڭ جاقىن تۋىستارى ءۇشىن كۆازيمەملەكەتتىك سەكتوردا ساياسي جانە باسشىلىق قىزمەتتەردى اتقارۋعا شەكتەۋ قويىلادى. سونداي-اق مەملەكەت باسشىسىنىڭ ءوز وكىلەتتىگىن جۇزەگە اسىرۋ كەزەڭىندە ساياسي پارتيادا بولۋىنا شەكتەۋ قويىلدى», دەدى باۋىرجان سمايىلوۆ.
سونىمەن قاتار پرەزيدەنتتىڭ ءوڭىر اكىمدەرى اكتىلەرىنىڭ كۇشىن جويۋ جانە توقتاتا تۇرۋ, اۋدان, وبلىستىق جانە اۋداندىق ماڭىزى بار قالالاردىڭ, اۋىلدىق وكرۋگتەردىڭ اكىمدەرىن قىزمەتتەن بوساتۋ قۇقىعىن الىپ تاستاۋ ۇسىنىلدى. تاعى ءبىر تۇزەتۋ تۇڭعىش پرەزيدەنت مارتەبەسىنە بايلانىستى بارلىق نورمانى الىپ تاستاۋدى كوزدەيدى.
الماتى قالاسى وڭىرلىك كەڭەسىنىڭ توراعاسى ماكسيم بارىشەۆ وزگەرىستەر ەلدەگى بيزنەس احۋالدى جاقسارتۋعا ىقپال ەتەتىنىن اتاپ ءوتتى. «پارلامەنتتىڭ ءرولى مەن مارتەبەسىنە قاتىستى ماڭىزدى وزگەرىسكە نازار اۋدارتقىم كەلەدى. مەن بۋحگالتەرلىك ەسەپ سالاسىندا كاسىپكەرلىكپەن اينالىسامىن. ءبىز سالىق زاڭناماسىنا ەنگىزىلىپ جاتقان وزگەرىستەر اۋقىمىن كورىپ وتىرمىز. 2020 جىلدىڭ وزىندە 406 تۇزەتۋ جاسالعان. پارلامەنت ءرولىن وزگەرتۋ بويىنشا جوسپارلانعان جاڭاشىلدىقتا زاڭ اكتىلەرىنە كوزقاراس باسقا بولىپ, ساپا ارتىپ, زاڭناما ءجيى وزگەرىسكە ۇشىرامايدى دەپ ويلايمىن», دەدى م.بارىشەۆ.
ماڭىزدى ۇسىنىستاردىڭ ءبىرى – كونستيتۋتسيالىق سوت, جوعارعى سوت وكىلدەرى مەن سۋديالار, سونداي-اق باسقا دا سۋديالار, ورتالىق سايلاۋ كوميسسياسى, جوعارى اۋديتورلىق پالاتانىڭ توراعاسى مەن مۇشەلەرىنە ساياسي پارتيالارعا, كاسىپوداقتاردا مۇشە بولۋ, قانداي دا ءبىر پارتيانى قولداپ ءسوز سويلەۋگە تىيىم سالۋ.
ۇسىنىلعان وزگەرىستەر وتاندىق كاسىپكەرلەر اراسىندا قىزۋ قولداۋ تاپتى. وڭىرلەردىڭ وكىلدەرى ۇسىنىلعان تاسىلدەردىڭ وزەكتىلىگىن اتاپ ءوتتى. سونداي-اق باستامالاردى كەيىننەن ءتيىمدى ىسكە اسىرۋعا ءوز ۇسىنىستارىن جەتكىزدى.
ۇكپ كاسىپكەرلەر اراسىندا كونستيتۋتسياعا ۇسىنىلعان تۇزەتۋلەر تۋرالى ءتۇسىندىرۋ جۇمىستارىن جالعاستىرادى. الداعى ۋاقىتتا ەلوردالىق كومپانيالاردىڭ ەڭبەك ۇجىمدارىمەن بىرقاتار كەزدەسۋ جوسپارلانعان.