اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا بيىلعى 16-20 مامىردا اقتوبە وبلىسىندا ايەلدەر اراسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارى قازاقستاندىق قوعامنىڭ ءداستۇرلى, مادەني جانە وتباسىلىق قۇندىلىقتارىن نىعايتۋعا باعىتتالعان ءدىني – اعارتۋشىلىق جۇمىستى ۇيىمداستىرۋ, سونىمەن قاتار حالىقتىق ايەل ءدىندارلارى اراسىندا ءدىني ەسترەميزمنىڭ تارالۋىن الدىن الۋعا باعىتتىلعان رۋحاني-اعارتۋ جۇمىسىن ۇيىمداستىرۋ شەڭبەرىندە جەرگىلىكتى تۇرعىندارمەن بىرقاتار ءىس-شارا مەن كەزدەسۋ وتكىزىلدى.
اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار) – قوجاحمەتوۆا ت.ز., ۇزاقباەۆا ل.ە., نۇرعاليەۆا د.ك., بيسەمباەۆا ر.ب., داناەۆا. ن.م. تارتىلدى.
راتت مۇشەلەرىنىڭ قاتىسۋىمەن اقتوبە قالاسىنىڭ, قاراۋىلكەلدى اۋىلدىق وكرۋگىنىڭ, مۇعالجار اۋدانىنىڭ ءدىندار ايەلدەرىمەن, بايعانين اۋداندىق تەحنيكالىق كوللەدجىنىڭ, مۇعالجار گۋمانيتارلىق-تەحنيكالىق كوللەدجىنىڭ, قاندىاعاش ونەركاسىپتىك-ەكونوميكالىق كوللەدجىنىڭ جانە اقتوبە قالاسىنىڭ «شولپى» ايەلدەر كلۋبىنىڭ ستۋدەنتتەرىمەن, شۇبارقۇدىق اۋىلدىق وكرۋگىندە دەسترۋكتيۆتى ءدىني اعىمداردىڭ وكىلدەرىمەن, «قۇنان» مەكتەپ-ليتسەيىنىڭ مۇعالىمدەرىمەن, «اقجار» قايىرىمدىلىق قورىنىڭ ەرىكتىلەرىمەن كەزدەسۋ ءىس-شارالارى ۇيىمداستىرىلدى.
وتكىزگەن ءىس-شارالاردا وڭىرلەردىڭ تۇرعىندارىنا قازاقستاندا تۇراتىن بارلىق كونفەسسيالار مەن ەتنوستاردىڭ بەيبىت ءوزارا ءىس-قيمىلى مەن قاتار ءومىر سۇرۋىنە, قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.
ساراپشىلار ءدىننىڭ رۋحاني-ادامگەرشىلىك قۇرامداس بولىگى ماسەلەلەرىنە, قازىرگى قازاقستاندىق قوعامداعى ايەلدەردىڭ ءرولى مەن الەۋمەتتىك مارتەبەسىن ارتتىرۋعا, سونداي-اق دەسترۋكتيۆتى ءدىني اعىمداردىڭ اسەرىنە قارسى تۇرۋ شارالارىنا ەرەكشە نازار اۋداردى.
تىڭداۋشىلار تاراپىنان دا راتت مۇشەلەرىنە بىرقاتار سۇراق قويىلىپ, تۇششىمدى جاۋاپتار الىندى.
ماۋكەن ن.ج,
جك «نۇرجان» باسشىسى